Rozë

Me pushime në Maldive, Eduarti zbulon barkun e rrumbullakosur të Arbana Osmanit (FOTO)

Autori: Gazeta inFokus 13:52 | 04 March 2022

Në natën finale të edicionit të parë të “Big Brother VIP Albania”, moderatorja e dashur për publikun, Arbana Osmani, ndau një lajm tepër të bukur të sajin me publikun.

Ajo tregoi se për herë të parë në kaq vite që e ka moderuar këtë spektakël, po prezantonin dy veta- teksa mbante dorën mbi barkun e saj.

Arbana zgjodhi ta japë kështu lajmin e pritjes së saj të ëmbël që bëri xhiron e rrjetit, ndërsa urimet për të dhe Eduartin nisën që në transmetimin live të emisionit.

-Advertisement-

Pas përfundimit të reality show-t, Arbana dhe Edi janë nisur me pushime, për disa ditë relaksi jashtë Shqipërisë. Pasi vizituan Parisin së bashku me stafin e “Top Channel”, dyshja udhëtoi drejt Maldiveve.

Në rrjete sociale nuk kanë munguar fotot e videon e shumta nga pushimet që na e kanë bërë zili të gjithëve, teksa Arbana na tregon vazhdimisht si e kalon ditën e saj atje me tre djemtë: Eduartin, Jonin dhe Diellin.

Megjithëse i katreguar të gjithëve që është në pritje të ëmbël, moderatorja ka preferuar edhe kësaj here të mos ndajë në rrjete sociale poza me barkun e rrumbullakosur që po i rritet dita ditës.

Mirëpo, publiku ka qenë tepër i vëmendshëm të kapë çdo detaj dhe atë që donim të shihnim, e gjetëm në një postim të Eduartit në InstaStory.

Regjisori ka filmuar partneren e tij dhe sytë na shkuan tek barku i rrumullakosur i Arbanës.