Uniformë policore serbe, BMW e armë, krejt çfarë sekuestroi Policia në aksionin e sotëm për rastin “Brezovica”
Autori: Gazeta inFokus 17:43 | 06 January 2022
Prokuroria ka dalë në një seancë të jashtëzakonshme për media, duke dhënë detaje për rastin “Brezovica”, ku të arrestuarit akuzohen kryesisht për ryshfet në këmbim të lejeve për ndërtimin e objekteve në Brezovicë.
Zyrtari policor Agron Haziri tha se në aksionin e sotëm u arrestuan 4 persona, njëri prej të cilëve më pas u lirua. Ai tha se janë në kërkim edhe të 5 personave të tjerë.
Në aksionin e sotëm policor, Haziri tha se kanë sekuestruar armë, një veturë e gjëra të tjera, në mesin e të cilëve edhe një uniformë policore të ish-sistemit serb.
“Gjatë kontrollit të sotëm janë sekuestruar edhe dëshmi dhe prova materiale si në vijim: është sekuestruar një veturë BMW X1, armë CZE, armë tjetër Zastava, 136 fishekë, një kuti me armë, një karikator i zbrazët, një shtëpizë kompjuteri, një telefon mobil, USB, pesë video-kaseta, uniformë me mbishkrimin ‘policia e ish-sistemit jugosllav, ose serb’, një antiplumb dhe dokumente të ndryshme”, tha ai.
Haziri tha se 3 persona të arrestuar sot janë ndaluar për 48 orë. Në mesin e tyre janë kryeinspektori i Ministrisë së Ambientit, Bedri Halimi dhe ish-sekretari i kësaj ministrie, Arben Çitaku.
Ai njoftoi edhe për ngrirjen e mjeteve financiare në gjirollogaritë bankare të të akuzuarve dhe familjarëve të tyre.
“Në gjirollogaritë e personave të dyshuar kemi identifikuar vlerën monetare prej 5 milionë e 389 mijë euro dhe 86 mijë e 146 dollarë amerikanë”, tha Haziri.
Prokurori i rastit, Rasim Maloku, paraprakisht paralajmëroi se aksione të ngjashme si sot dhe ai më herët do të zhvillohen sërish.
“Nuk është aksioni i fundit. Ky proces do të vazhdojë në ditët e ardhshme dhe do të njoftoheni me kohë”, tha prokurori Maloku.
Gjatë aksionit të sotëm, Policia bastisi 9 lokacione në 3 komuna.
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...