Lajme

Ferat Shala: Kurti të lirojë nga detyra një pjesë të kabinetit në sektorin e energjisë

Autori: Gazeta inFokus 11:01 | 24 Dhjetor 2021

Deputeti nga radhët e Partisë Demokratike të Kosovës, Ferat Shala, ka deklaruar se Qeveria duhet ta shpallë gjendjen emergjente energjetike, shkruan Gazeta Infokus.

Gjatë seancës së sotme të Kuvendit, ai tha se kryeministri Kurti duhet ta lirojë nga detyra një pjesë të kabinetit që mbulon sektorin e energjisë.

“Kjo situatë ka dy kuptime, diskriminimi po ndodhë pasi në veri të vendit s’ka reduktime e ndalje të rrymës, kështu që vijmë deri te pyetjet se cilat janë veprimet që do t’i ndërmerr Qeveria. Nëse s’ka ide, të merr modele nga shtetet përreth. Ku janë rekomandimet e task-forcës, veprimet e tyre s’po i shohim. Për shkak të paaftësisë, i themi Kurtit të shpallë gjendjen emergjente dhe të lirojë nga detyra një pjesë të kabinetit që mbulojnë sektorin e energjisë”, deklaroi Shala.

-Advertisement-

Deputeti Shala tha se nga kjo krizë energjetike në Kosovë përgjegjës kryesor është Qeveria e Kosovës me të gjithë dikasteret.

“Ne si Kosovë e dimë se kemi hyrë në krizë, por s’kemi asnjë të dhënë se kur dhe si do të dalim nga kjo krizë. Si dhe sa do të përballojnë qytetarët këtë situatë, në stinë të dimrit. Përgjegjësi kryesor është Qeveria e Kosovës me të gjithë dikasteret. Qeveria s’i ka kryer punët, mungesa totale e mobilizimit , paaftësia e skajshme, orientimi i Qeverisë në zbulimin e fajtorit historik. Për të ardhur në përfundim se qytetarët janë fajtorë”, shtoi tutje ai./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy