Lajme

Policia evakuon disa familje të bllokuara pas borës së madhe në Bjeshkët e Rugovës

Autori: Gazeta inFokus 12:29 | 13 December 2021

Policia ka njoftuar se mbrëmjen e së dielës ka ndihmuar në evakuimin e dy familjeve që kishin mbetur të bllokuara në fshatin Shtupeq i Vogël në Rugovë, për shkak të borës së madhe që kishte rënë në këtë zonë.

“Më datën 12.12.2021, rreth orës 15:00, Stacioni për Mbikqyrje të Kufirit Vitomiricë/Radavc, kanë pranuar informacionin nga një qytetar se dy familje kanë mbetur të bllokuara nga bora e madhe në fshatin Shtupeq i Vogël në Bjeshkën e Rugovës. Patrulla kufitare , menjëherë është nisur për në lokacionin në fjalë, por për shkak të kushteve shumë të vështira dhe rrugës së bllokuar nga bora , pas disa orëve kanë arritur në fshatin Shtupeq i Vogël për t’ju dhënë ndihmë atyre”, thuhet në njoftimin e policisë.

Sipas policisë në mbështetje kanë dalë edhe tre qytetarë vullnetarë të cilët i falënderuan për bashkëpunimin.

-Advertisement-

“Zyrtarët policorë nga kufiri kanë arritur t’i takojnë dhe t’u ndihmojnë qytetarëve të cilët kanë mbetur të bllokuar në borë, ku në mesin e tyre ishin edhe dy fëmijë. Nga Policia është bërë shoqërimi i tyre deri në qytetin e Pejës”, thuhet tutje.

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

lajme