Lajme

Policia në aksion në Gjakovë, arrestohen 14 persona që organizuan bixhoz

Autori: Gazeta inFokus 09:44 | 06 December 2021

Janë arrestuar 14 persona, për organizim të skemave piramidale dhe bixhozit të paligjshëm në një lokal në Gjakovë, shkruan Gazeta Infokus.

Njësitë Policore njoftojnë se njëri prej tyre është edhe pronari i atij lokali i cili është dërguar në mbajtje, ndërsa të dyshuarit tjerë janë liruar.

“Janë arrestuar 14 të dyshuar meshkuj kosovarë, pasi të njëjtit janë takuar në një lokal duke zhvilluar lojëra të fatit. Të dyshuarit janë intervistuar dhe me vendim të prokurorit njëri prej tyre, pronari i lokalit është dërguar në mbajtje, ndërsa të dyshuarit tjerë janë liruar”, njofton Policia e Kosovës.

-Advertisement-

Lidhur me rastin është arrestuar edhe një bashkëpronar i lokalit për organizim të skemave piramidale, i cili me vendim të prokurorit kujdestar është dërguar në mbajtje për 48 orë./Gazeta Infokus/

Subscribe në YouTube: GAZETA INFOKUSI