Lajme

Stuhi vdekjeprurëse në Kanada

Autori: Gazeta inFokus 08:33 | 17 November 2021

Një stuhi vdekjeprurëse e përshkruar nga zyrtarët si një ngjarje moti që ndodh një herë në shekull ka ndërprerë lidhjet rrugore dhe hekurudhore rreth Vankuverit, në Kanada.

Dy autostrada që lidhin qytetin e Bregut Perëndimor u mbyllën pasi u dëmtuan nga përmbytjet e rënda.

Një grua humbi jetën në një rrëshqitje dheu në autostradë dhe ekipet e shpëtimit thonë se të paktën dy persona të tjerë janë të zhdukur, përcjell Klankosova.tv

-Advertisement-

Trupi i gruas u gjet pranë Lillooet, rreth 250 km (155 milje) nga Vankuveri, sipas Policisë Mbretërore Kanadeze (RCMP).

Ndërkaq mijëra njerëz u detyruan të largoheshin nga shtëpitë e tyre për shkak të stuhisë masive, e cila goditi të hënën.

Sgt RCMP Janelle Shoihet tha se shpëtimtarët nuk e kishin përcaktuar ende numrin e automjeteve që humbën në rrëshqitje, sipas agjencisë së lajmeve AFP.

Subscribe në YouTube: GAZETA INFOKUSI