Sport

Pogba përshendetet me United, sfida ndaj Liverpool ka qenë e fundit për të!

Autori: Gazeta inFokus 12:59 | 10 Nëntor 2021

Aventura e Paul Pogba me Manchester United mund të ketë përfunduar. Mesfushori francez ka pësuar një dëmtim në pulë, që do e mbajë larg fushave të lojës për afro 2 muaj, ose e thënë ndryshe deri në javar të vitit të ardhshëm. Pogba e ka shprehur hapur dëshirën për t’u larguar dhe djajtë e kuq janë pajtuar me vendimin e francezit.

28-vjeçari u aktivizua në pjesën e dytë në sfidën me Liverpool, ndërsa u ndëshkua me karton të kuq pas vetëm çerek ore në fushën e blertë. Sfida e javës së 9-të e Premier League mund të ketë qenë e fundit për Pogba, i cili mund të marrë valixhet në janar, për t’u larguar nga “Old Trafford”. Kontrata e francezit përfundon në verën e vitit të ardhshëm, megjithatë drejtuesit mund ta lënë të lirë Pogba, duke u çliruar dhe pnga paga e tij.

Pogba u kushtoi plot 105 milionë euro “djajve të kuq” në 2016-ën, por Pogba nuk arriti që të përligjte plotësisht pritshmëritë e drejtuesve. Edhe pse për shërbimet e 28-vjeçarit ka nga disa skuadra vërtet lojtari preferon merkaton e janarit për të nisur negociatat, siç parashikohet dhe në kontratën e tij.

-Advertisement-

Merkato e janarit pritet që të jetë vendimtare për Pogba, i cili për të dytën herë mund të përshëndetet me United, për të nisur një aventurë të re.