Rruga Prizren-Tetovë, kur do të nis dhe sa do të kushtojë?
Autori: Gazeta inFokus 15:52 | 25 October 2021
Deri më tani, përveç premtimeve, nuk dihet asgjë rreth ndërtimit të rrugës që do ta lidhte Prizrenin me Tetovën. Ende nuk ka projekt fizibiliteti, prandaj nuk dihet se sa do të kushtojë kjo rrugë, nuk dihet saktësisht gjatësia dhe gjerësia e saj, dhe se kur do të përfundohej në tërësi ndërtimi.
Mehmet GJATA
Ndërtimi i rrugës Prizren-Tetovë, e përmendur si vizion i ndërtimit nga qeveritë e fundit të Kosovës, dhe jo pak e përfolur si një objektiv investimi kapital nga ministrat e Qeverisë Kurti, tani për tani, është i paqartë, jo shumë konkret dhe me shumë të panjohura për opinionin.
Ç’është e vërteta, synimin e ndërtimit të kësaj rruge, aq shumë të apostrofuar si një nevojë e ndërlidhjes Kosovë-Maqedoni dhe më shumë e ndërlidhjes shqiptaro-shqiptare dhe urgjencë investuese, së fundi, në disa raste e apostrofoi edhe Hekuran Murati, ministër i Financave në Qeverinë Kurti, i cili në një paraqitje publike para dy muajsh tha se brenda këtij mandati të Qeverisë Kurti do të realizohet ky projekt, kur kihet parasysh terreni shumë i ashpër për ndërtime rrugesh dhe ku ndërtimi mund të zgjasë për shumë vite.
Mirëpo, informata më të hollësishme rreth këtij projekti nga atëherë nuk janë dhënë nga asnjëri prej ministrave të qeverisë Kurti. Nuk dihet me saktësi se sa do të kushtojë kjo rrugë, sa do të jetë e gjatë, sa ura e tunele do të ketë dhe kur pritet të kryhet i tërë projekti.
Buletini Ekonomik nga 17 shtatori i ka kërkuar këto informata nga Ministria e Infrastrukturës, mirëpo përkundër insistimit nuk ka marrë përgjigje.
Megjithatë, këto ditë në një emision televiziv në një nga TV-të e Kosovës, Ministri i Financave, Hekuran Murati, sërish e aktualizoi ndërtimin e rrugës Prizren-Tetovë, duke pohuar goxha me bindje se kjo rrugë do të bëhet.
“Edhe ajo do të bëhet. Ne s’po themi qe s’ka me u realizu asnjë rrugë. Se sa milionë euro do të investohen në atë projekt e tregon studimi i fizibilitetit”, tha ai. Ndërsa, kur është pyetur se a mund të jetë projekt që kushton 200 apo 300 milionë euro, Murati është përgjigjur:
“Nuk e besoj”, duke shtuar se gjysma do të jetë në territorin tonë, gjysma në territorin e Maqedonisë. “Nuk bëhet fjalë për një autostradë, por bëhet fjalë për një rrugë e cila do të lidhë Prizrenin dhe Tetovën dhe përveqse dy qytete do të lidhë edhe dy shtete”, tha Murati në këtë emision televiziv.
Fare në fund, ai potencoi se “ne e kemi kritikuar modelin e investimeve në autostrada super të shtrenjta, paralel e shumë më të lakueshme se rrugët ekzistuese. Ne po e bëjmë një rrugë të re që i lidh dy shtete, që i lidh dy qytete. Nuk do të jetë kostoja e lartë, ia vlen çdo cent investimi për atë rrugë”.
Deri më tani, përveç premtimeve, nuk dihet asgjë rreth ndërtimit të rrugës që do ta lidhte Prizrenin me Tetovën. Ende nuk ka projekt fizibiliteti, prandaj nuk dihet se sa do të kushtojë kjo rrugë, nuk dihet saktësisht gjatësia dhe gjerësia e saj, pos faktit që nuk do të jetë autostradë dhe pokështu nuk dihet se kur do të fillojë ndërtimi, sikundër ende është e paqartë mënyra e sigurimit të mjeteve të nevojshme për ndërtimin e saj./Buletini Ekonomik/
Të tjera
-
Arrestohet shqiptari në Itali, ju gjenden 15 kg drogë dhe fletorja me emrat e klientëve
Policia në Itali ka arrestuar shqiptarin nën akuzën për trafikim të drogës. ...
-
“Nëna Rukë” feston ditëlindjen, Ramush Haradinaj me dedikim emocionues
‘Nëna Rukë;, nëna e Ramush Haradinajt feston sot ditëlindjen. Në këtë ditë të...
-
Nesër, 27-vjetori i rënies së Luan Haradinaj
Nesër, më 6 maj shënohet 27-vjetori i rënies së ish-ushtarit të Ushtrisë Çlir...
-
Kosova në Këshillin e Evropës, me apo pa kushte?
Kanë mbetur më pak se dy javë kur pritet të votohet për anëtarësimin e Kosovë...
-
Kurti shkruan edhe për zgjedhjet evropiane të 9 qershorit: Përkrah kancelarit Sholz mbështetëm dy socialdemokratë
Kryeministri i vendit, Albin Kurti, gjatë vizitës së tij në Berlin njofton se...
-
Turistja gjermane bie nga ujvara në Përmet
Një turiste gjermane ka rënë nga ujvara në zonën e Çarçovës në Përmet. Tv ...
-
Policia zbardhë detaje për rastin e tentim vrasjes në veri të cilën e raportoi zëvendësministri për Kthim
Zëvendësministri për kthim në Qeverinë e Kosovës, Radoica Radomiroviq, ka shk...
-
Përvjetori i 75’të i Këshillit të Evropës, Kurti thotë se ky vit shënon plotësimin e kritereve nga Kosova për anëtarësim
Kryeministri i Kosovës, Albin Kurti, ka kujtuar 75-vjetorin e themelimit të K...
-
Basha i reagon AGK’së dhe Reporterëve Pa Kufij, zbrapset pak nga gjuha nxitëse: S’po sulmoj, po bëj kritikë
Deputeti Dimal Basha, i cili pretendoi “disiplinimin e AGK-së dhe RTK-së nga ...
-
Skenari i luftës bërthamore: Nga raketa e parë deri në fund të botës për 72 minuta
Një luftë bërthamore do të ishte e keqe dhe kjo është diçka që të gjithë e di...
-
Xi Jinping nis vizitën në Francë dhe shprehet për mediat vendase
Presidenti kinez mbërriti të dielën në Paris, duke nisur vizitën e tretë shte...
-
PDK nderon dëshmorët e Podujevës, Hamza: Faleminderit, që ndërtuat bazamentin e shtetit tonë
Kandidati i Partisë Demokratike të Kosovës për Kryeministër, Bedri Hamza, bas...