Lajme

Reagon edhe Avdullah Hoti pas marrëveshjes për targat, ka një mesazh për Kurtin

Autori: Gazeta inFokus 16:57 | 30 September 2021

Ish-kryeministri i Kosovës, tani deputet i Kuvendit nga radhët e LDK-së, Avdullah Hoti, ka reaguar pas arritjes së marrëveshjes për krizën e shkaktuar së fundmi në pikëkalimet kufitare në Jarinjë dhe Bërnjak.

Me anë të një postimi në profilin e tij në Facebook, Hoti tha se KFOR-i nuk duhet të marrë kompetenca të institucioneve të Republikës së Kosovës dhe nuk mund ta zëvendësojë Policinë e Kosovës.

47 vjeçarja me fytyrë bebi. Ja çfarë bën ajo para gjumit
Tutje, ai shprehet se dialogu nuk duhet të degradojë në çështje teknik

-Advertisement-

“Dialogu nuk duhet të degradojë në çështje teknike, por duhet mbajtur në nivel politik me qëllimin e vetëm të arritjes së marrëveshjes përfundimtare për njohje reciproke dhe normalizim të marrëdhënieve në mes të dy shteteve”, shprehet ai ndër të tjera.

Postimi i tij i plotë:

Sa i përket veprimeve të fundit, Kosova është plotësisht në të drejtën e saj.

Por, situata e re e krijuar nuk duhet lejuar të na kthejë prapa në procese që i kemi tejkaluar në koordinim me partnerët tanë, por gjithmonë në funksion të fuqizimit dhe konsolidimit të shtetësisë së Kosovës.

KFOR-i nuk duhet të marrë kompetenca të institucioneve të Republikës së Kosovës. KFOR-i nuk mund të zëvendësojë policinë e Kosovës.

Dialogu nuk duhet të degradojë në çështje teknike, por duhet mbajtur në nivel politik me qëllimin e vetëm të arritjes së marrëveshjes përfundimtare për njohje reciproke dhe normalizim të marrëdhënieve në mes të dy shteteve. Vetëm marrëveshja përfundimtare i zgjidh çështjet e hapura në mes të dy vendeve.

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme