Sport

Deklarata e Bekim Isufit pas barazimit me Dritën

Autori: Gazeta inFokus 18:29 | 15 Shtator 2021

Drita dhe Ballkani i kanë ndarë pikët, pasi kanë luajtur baras 0-0, në takimin e vlefshëm për xhiron e katërt në elitën e futbollit kosovar, shkruan Gazeta inFokus.

Pas ndeshjes ka folur trajneri i Ballkanit, Bekim Isufi, i cili ka thënë se të dyja ekipet e kanë studiuar mirë njëra tjetrën.

Me pas ai shtoi se barazimi ishte epilogu real i këtij takimi.

-Advertisement-

“Mendoj se dy ekipet e kishim studiuar mirë njëra tjetrën dhe për këtë arsye kishte pak raste gjatë ndeshje. Ndoshta tifozët nuk janë të kënaqur me rezultatin, por duhet të jenë të kënaqur me lojën e treguar në fushë. Të dyja ekipet nuk donin të bënin gabime dhe ishte një lojë e kalkuluar mirë. Ndoshta në fillim të ndeshjes ishim paksa më të mirë, por pastaj patëm vështirësi dhe Drita kishte një dominim të lehtë. Në fund, mund të them se barazimi ishte epilog real. Mos të harrojmë që Drita ka ekip jashtëzakonisht të fortë”, tha Isufi.

Pas këtij barazimi, Ballkani vazhdon kryesimin me 8 pikë, aq sa ka edhe Drita që pozicionohet e dyta.

Ndeshjen e radhës, Ballkani e luan në shtëpi ndaj Llapit, kurse Drita udhëton në Skenderaj për tu ballafaquar me Drenicën./Gazeta inFokus/