Daut Haradinaj premton zbatimin e Ligjit për Kryeqytetin – këto do të jenë përfitimet për Prishtinën
Autori: Gazeta inFokus 11:35 | 13 September 2021
Me zbatimin e Ligjit për Kryeqytetin, Prishtina do ta përfitonte mekanizmin e vet të sigurisë, duke e themeluar Policinë e Kryeqytetit. Ky ligj ishte miratuar në vitin 2018 në Kuvendin e Kosovës, me insistimin e madh të ish-kryeministrit të asaj kohe, Ramush Haradinaj. Megjithatë, përkundër se Prishtina e ka të rregulluar statusin e saj juridik si kryeqytet, beneficionet e ligjit nuk janë shfrytëzuar në tërësi nga qeverisja lokale.
Daut Haradinaj, kandidat për Prishtinën, e ka në listën e prioriteteve zbatimin e këtij ligji nëse bëhet kryetar i Prishtinës në zgjedhjet e 17 tetorit. Haradinaj, në programin e tij qeverisës, ka theksuar se është esencial zbatimi i këtij ligji.
Çfarë do të përfitojnë qytetarët e kryeqytetit me zbatimin e Ligjit për Kryeqytetin?
Ligji i garanton Prishtinës Policinë e Kryeqytetit, prandaj Haradinaj ka thënë se ai do të kujdeset menjëherë që të themelojë Policinë e Kryeqytetit, duke e emëruar edhe Drejtorin e Përgjithshëm. Po ashtu, në bazë të ligjit, kryeqyteti do të ndërtoj mekanizmat vetanak për mbikëqyrjen lokale të sigurisë.
Tutje, në bazë të Ligjit për Kryeqytetin, do të bëhet ndarja në zona e kryeqytetit dhe sipas planprogramit qeverisës të Haradinajt do të jenë gjashtë zona.
Do të bëhet regjistrimi i pronave të luajtshme dhe të paluajtshme në kryeqytet, si dhe korrigjimi i të dhënave kadastrale dhe pronësore. Në bazë të këtyre ndarjeve, do të bëhet decentralizimi buxhetor duke pasur për bazë taksat e paguara, për t’i kthyer me investime konkrete në zonat përkatëse.
Një tjetër vendim që do ta marrë Haradinaj, do të jetë themelimi i Drejtorisë për Vlera Kombëtare, e cila do të bëj dokumentimin dhe evidentimin e ngjarjeve historike të kryeqytetit, si dhe njohjen dhe vlerësimin e personaliteteve të shquara të Prishtinës.
Po ashtu, Haradinaj do të merret edhe me një problematikë të madhe të kryeqytetit, me kaosin e ndërtimeve pa leje, dhe atyre pa pranim teknik që llogaritet të jenë rreth 40 mijë prej tyre. Këto objekte do të legalizohen, përmes procesit paraprak për pranim teknik.
Haradinaj, duke u bazuar në Ligjin për Kryeqytetin, do të angazhohet po ashtu që të arrijë barazinë në ndërtim. Me shqyrtimin e kuotave të ndërtimit, ai synon që t’i eliminojë diskriminimet e deritanishme, ngase ka pasur shumë ankesa për trajtim të padrejtë gjatë përcaktimit të koeficientit të ndërtimit.
Ndër shumë përfitime të tjera, në bazë të këtij ligji, do të bëhet edhe implementimi i kuotave për gjelbërim të obligueshëm në kryeqytet, për t’ia ndryshuar pamjen e vrazhdë Prishtinës, nga një qytet i betonit në një qytet me më shumë gjelbërim.
Daut Haradinaj po e dëshmon se ka vendosur ta ndryshojë Prishtinën. Ai ka dëshmuar disa herë që e ka guximin të marrë vendime, por krahas kësaj, tani e ka strategjinë dhe ekipin për ta realizuar një nevojë kaq të madhe.
Të tjera
-
Vdes ish-ushtari i UÇK-së, Mehmet Bylykbashi
Ka vdekur ditën e shtunë ish-ushtari i Ushtrisë Çlirimtare të Kosovës, Mehmet...
-
Nëna dhe babai i Thaçit marrin sërish rrugën e largët nga Kosova në Holandë për t’u çmallur me djalin e tyre
Pas një periudhe të gjatë që nuk e kishin parë djalin e tyre, prindërit e ish...
-
Kurti: Shtetet e Bashkuara, aleatja historike e Kosovës
Kryeministri Albin Kurti, ka thënë se “Shtetet e Bashkuara të Amerikës janë a...
-
Marrëveshja mes Kosovës dhe ShBA-së, Hovenier: Ky është një hap i rëndësishëm
Ambasadori i ShBA-së, Jeffrey Hovenier, ka thënë se është i nderuar që ishte ...
-
Ambasadori italian: Letra e Gërvallës, e pavlefshme
Italia konsideron se nuk është i vlefshëm zotimi për krijimin e draft statuti...
-
Kroacia nesër e nis kontigjentin e 41-të në Kosovë në kuadër të KFOR-it
Ministria kroate e Mbrojtjes ka bërë të ditur se nesër do të mbahet ceremonia...
-
Shkarkohet kryetari i Sindikatës së Policisë së Kosovës, Imer Zeqiri
Sindikata e Policisë së Kosovës sot ka mbajtur kuvendin e përgjithshëm, që e ...
-
Nënsekretarja amerikane: Kosova bën pjesë në BE dhe NATO
Pas presidentes Vjosa Osmani, nënsekretarja amerikane për Diplomacinë Publike...
-
Njohja e pavarësisë së Kosovës dhe mbështetja e rezolutës së Srebrenicës, Vuçiq: Mali i Zi e shkeli Serbinë
Presidenti serb, Aleksandar Vuçiq, ka theksuar sot se të enjten në seancën e ...
-
Cameroni pritet ta vizitojë Shqipërinë
Sekretari i Jashtëm britanik, David Cameron, javën e ardhshme pritet ta vizit...
-
Platforma e parë inteligjente e nxjerrjes së naftës detare instalohet në Detin e Kinës Jugore
Platforma e parë inteligjente e nxjerrjes së naftës detare e Kinës, "Huizhou ...
-
Nënsekretarja e ShBA-së: Kosova të ec para me Asociacionin
Nënsekretarja e ShBA-së për Diplomacinë Publike, Elizabeth Allen, ka deklarua...