Konflikti i interesit, rasti “nipit të famshëm” të zv.kryeministrit Bislimi përfundon në Antikorrupsion
Autori: Gazeta inFokus 16:02 | 26 July 2021
Ushtrimi i dy funksioneve në kuadër të Ministrisë së Arsimit po del problem për Gëzim Tosunin, shkruan Gazeta Infokus.
Tosuni, pos që është anëtar i Këshillit Shtetëror të Cilësisë është edhe anëtar i Bordit për nostrifikimin e diplomave.
E mbajtja e këtyre dy pozitave pretendohet se paraqet konflikt të hapur të interesit.
Pas raportimit të Infokus-it për këtë gjë, konfirmohet se rasti Tosuni ka përfunduar në Agjencinë Kundër Korrupsionit.
Këtë e ka konfirmuar zëvendësministri i Arsimit, Dukagjin Pupovci.
“Në me lidhje me ketë çështje e cila është sjell në vëmendjen tonë tashmë i jemi drejtuar Agjencisë Kundër Korrupsionit për këshillë”, ka deklaruar ai për Infokus-in.
Pupovci ka paralajmëruar se do t’i përmbahen çfarëdo këshille që do të marrin nga Agjencia.
“Nëse del që është konflikt interesi, sigurisht që zotëri Tosuni do të tërhiqet nga njëri nga këto dy organe, por në këto raste edhe ligji e kërkon që t’i drejtohemi Agjencisë Kundër Korrupsionit dhe pastaj të ndjekim këshillat e tyre”, ka shpjeguar Pupovci.
“Pra, në këtë rast është ndjekur rruga ligjore dhe tash jemi në pritje të përgjigjes”, ka shtuar ai.
Ushtrimi i njëkohshëm i funksionit të anëtarit të Këshillit Shtetëror të Cilësisë dhe i anëtarit të Bordit për nostrifikim të diplomave, sipas burimeve të gazetës nga fusha e arsimit, megjithatë paraqet konflikt interesi, shkruan Gazeta Infokus.
E gjitha për faktin se procesit të nostrifikimit i nënshtrohen edhe profesorët e ndryshëm me qëllim të akreditimit të programeve të caktuara të kolegjeve dhe universiteteve.
Rrjedhimisht, i bie që i njëjti person edhe i nostrifikon diplomat edhe i akrediton programet e arsimit të lartë.
Infokus ka kontaktuar më herët edhe me Tosunin për të marrë një shpjegim nga ana e tij në lidhje me këtë çështje, por ai nuk ka shprehur interesim për të folur, shkruan Gazeta Infokus.
“Nuk mund të përgjigjem sepse jam i zënë”, ka qenë përgjigja e shkurtër e tij për gazetën.
Me Ligjin për Arsimin e Lartë është e definuar qartë se anëtarët e Këshillit Shtetëror të Cilësisë nuk duhet të jenë të punësuar nga asnjë bartës i arsimit të lartë në Kosovë.
Anëtarët e këtij këshilli janë të obliguar të japin edhe një deklaratë nën betim se do ta kryejnë me nder, besnikëri, drejtësi dhe pa anim, detyrën e besuar.
Tosuni qe bërë objekt i polemikave kur qe propozuar e më pas edhe votuar në Kuvend për anëtar të KSHC-së. Për të u tha se ishte nip i zëvendëskryeministrit, Bislimi, gjë të cilën e pati mohuar ministrja e Arsimit, Arbërie Nagavci, ndonëse as ajo vetë nuk arrinte ta shpjegonte se çka ishin ndërmjet vete Tosuni e Bislimi, shkruan Gazeta Infokus.
“Ashtu, diçka ngjashëm siç ka thënë Albini që e ka Glaukun. Dmth as djalë i dajës, as i hallës, as nip e as motër”, pati thënë Nagavci, me çka edhe pati nxitur të qeshura në Kuvend.
Por kulmin ia pati vënë ministrja e Drejtësisë, Albulena Haxhiu, e cila pati deklaruar se kur e ka pyetur Bislimin se çfarë e ka Tosunin, Bislimi i ka thënë se në këto 50 vjet ndoshta mund ta ketë takuar njëherë. A në fakt, Tosuni është nën moshën 50 vjeçare./Gazeta Infokus/
Të tjera
-
Oficeri i FSK-së përfundon me sukses trajnimin për Ranger në ShBA
Nëntoger Egzon Elshani ka përfunduar me sukses trajnimin më sfidues që organi...
-
Edhe mbi 1600 persona të zhdukur nga lu*ta e fundit, MPJ: Serbia vazhdon të mbrojë ata që janë përgjegjës
Në Ditën e Personave të zhdukur me dhunë gjatë luftës në Kosovë, Ministria e ...
-
Voziti dyfish më shpejtë se sa e kishte të lejuar, gjobitet shoferi me 500 euro, 5 pikë negative dhe ndalim ngasje për 6 muaj
Është gjobitur një shofer me 500 euro, pesë pikë negative dhe gjashtë muaj nd...
-
LDK-ja në Ditën e të Zhdukurve: Kosova nuk mund të gjejë qetësi pa ditur për fatin e tyre
Lidhja Demokratike e Kosovës ka përkujtuar të pagjeturit e luftës së fundit n...
-
Tërmet në Itali
Lëkundje tërmeti me magnitudë 4 të shkallës rihter janë regjistruar mëngjesin...
-
Kurti për Asociacionin: Ahtisaari parasheh një bashkëpunim ndërkomunal, por larg asaj që kërkon Beogradi
Kryeministri Albin Kurti është shprehur optimist për anëtarësimin e Kosovës n...
-
Parashikimi i motit për sot
Sot në Kosovë parashihet të mbajë mot me diell dhe vranësira, ku gjatë pasdit...
-
Konfirmohet aktakuza ndaj Agron Mustafës, ngarkohet se i shkaktoi dëm afër 7 milionë euro Telekomit
Gjykata Themelore në Prishtinë e ka konfirmuar aktakuzën ndaj ish-kryeshefit ...
-
Pla*osen dy burra në Ferizaj, policia jep detaje
Dy persona janë plagosur në Ferizaj nga persona të panjohur. Pas trajtimit...
-
Zhduket një burrë në Prishtinë
Një grua ka raportuar në polici se një burrë ka dalë nga shtëpia në Prishtinë...
-
“Edhe Sa Vjet n’Terr?”, sot zhvillohet aksion rrugor për të pagjeturit e lu*tës së Kosovës
Nisma Rinore për të Drejtat e Njeriut në Kosovë (YHIR), sot do të organizojë ...
-
Krerët e shtetit bëjnë homazhe për të pagjeturit e lu*tës të Kosovës
Në Ditën e të Zhdukurve të luftës së fundit në Kosovë, presidentja e vendit, ...