Pak ditë më parë, dy qytetarë nga Kosova u gjobitën në Shqipëri. Kjo për arsye se ata po lëviznin me makinat luksoze me shpejtësi skëterrë, 230 km në orë. Dy shoferët që jetonin në Zvicër nuk iu bindën urdhrit të policisë për të ndaluar.

Por më pas ata u ndaluan në qytetin e Vlorës nga punonjës të tjerë policie dhe u gjobitën 168 mijë lekë drejtuesi i “Lamborghini”-t dhe 120 mijë lekë drejtuesi i BMW-së.

Lidhur me këtë ngjarje kanë reaguar disa personazhe të njohur të ekranit, të cilët janë kundër dy shoferëve që ecin shpejt. Por ka edhe nga ata që dalin në mbrojtje të emigrantëve, duke thënë se nuk e meritojnë gjithë këtë sulm.

-Advertisement-

Një ndër to është edhe këngëtarja e njohur, Leonora Jakupi, e cila ka bërë një postim në “Instastory”. Ajo shkruan se ne nuk jemi më të mirë se ta dhe se duhet t’i lëmë të qetë të kënaqen në vendin e tyre, sepse në fund të fundit të gjithë paguajnë për gabimin e tyre.

“Cka keni more me tan keto sulme per mergaten tone? Jo po garojne me vetura, jo po parkohen keq spo i respektojne rregullat ne komunikacion etj etj A mos jemi na ma mire se ata? Apo keni harru qe jemi brum i njejt? Leni njerezit le te kenaqen ne vendin e vet, teke fundit secili paguan per gabimin e vet! Gezuar Diasporë”, shkruan Leonora në reagimin e saj.

Ndërkohë ditën e djeshme, Genc Prelvukaj reagoi ashpër për këtë ngjarje. Këngëtari i njohur bëri një postim në “Facebook”, ku shprehej se këto dy persona duhet të dërgohen për kontroll mjekësor, të shikohet nëse janë normalë

Këta duhet fillimisht të dërgohen në kontroll mjekësore pastaj nëse rezultojnë normal të hapet proces gjyqësor dhe të zbatohen dënimet maksimale. Dy mije e treqind janë shumë pak. I japin makinës (të cilat i paskan marrë me rent) 230km në orë, në rrugë të kufizuara në 80 km. Shpërfillin policinë e Shqipërisë duke ikur dhe mos ndaluar. Rrezikojnë për vdekje njerëz tjerë.

Ironia është që shoferët ishin shqiptarë të Kosovës, rreth të dyzetave, me banim të përhershëm në Zvicër, të cilët i nënshtrohen me perpikmeri rregullave atje. Rruga e tyre për të ardhur bie nga Serbia ose Mali i Zi. Të provojnë t’i japin makinës atje në këtë mënyrë dhe të ikin nga kontrolli i policisë! Turp i madh. Nderojnë rregullat e shteteve të huaja, ndër ta edhe të shteteve me armiqësi ndaj nesh dhe poshtërojnë uniformën e Shqipërisë dhe Kosovës, shtete prej nga janë me origjinë. Plus rrezikojnë fëmijët, gratë e burrat e gjakut të tyre”, thotë Prelvukaj.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-