Finalizohet marrëveshja, palestrat në Kosovë me super teknologji nga Synergy Sports
Autori: Gazeta inFokus 12:38 | 23 February 2021
“Synergy Sports”-i ka lidhur partneritet shumëvjeçar me Federatën e Basketbollit të Kosovës (FBK) për të transformuar palestrat e basketbollit në Kosovë në “Palestra të lidhura me FIBA-n”.
Partneriteti do t’i sigurojë Federatës së Basketbollit të Kosovës zgjidhje të përparuara dhe të automatizuara për të xhiruar dhe prodhuar transmetime të drejtpërdrejta me cilësi të lartë për garat e basketbollit në të dyja konkurrencat, meshkujve dhe femrave. “Synergy Sportsi” gjithashtu do të bëhet partner ekskluziv i shpërndarjes për komercializimin të të drejtave të drejtpërdrejta për basketbollin kosovar.
Kompeticioni i sapoformuar me marrëveshjen e dy federatave të basketbollit Shqipëri-Kosovë, Liga Unike (në të cilën do të marrin pjesë skuadrat më të mira të të dyja vendeve) e cila pritet të nxisë interes të madh në të gjithë rajonin, gjithashtu do të përfshihet në këtë marrëveshje.
Duke diskutuar për partneritetin, CEO i “Synergy Sportsi”, Mark Silver tha: “Synergy Sportsi” është krenar për bashkëpunimin me Federatën e Basketbollit të Kosovës pasi që Kosova gjendet në njërin nga rajonet me histori të pasur të basketbollit botëror dhe “Palestra e lidhur me FIBA-në” do të ndihmojë që basketbolli kosovar të jetë në pikën më të lartë për sa u përket aftësive teknike kur bëhet fjalë për prodhimin dhe shpërndarjen masive të transmetimeve të drejtpërdrejta”.
Drejtori i partneritetit sportiv të “Synergy Sportsit”, Alistair Kemp shtoi se: “Ky është një angazhim fantastik nga ana e Federatës së Basketbollit të Kosovës për prezantimin e zgjidhjeve inovative dhe për të përmirësuar shtrirjen dhe shikueshmërinë e lojërave me anë të pajisjeve të vendosura dhe për t’i transformuar palestrat sportive në “Palestra të lidhura me FIBA-në” në Kosovë. Nga ky partneritet do të përfitojë i gjithë komuniteti i basketbollit kosovar nga ekipet elitare, lojtarët, trajnerët, deri te tifozët, të rinjtë dhe të gjitha nivelet bazë të lojës së basketbollit”.
Nga ana tjetër, kryetari i Federatës së Basketbollit të Kosovës, z. Arben Fetahu potencoi se: “Federata e Basketbollit e Kosovës gjithmonë pret partneritete të reja dhe zgjidhje inovative për basketbollin tonë. Duke e ditur që projekti “Palestrat e lidhura me FIBA-në” përfaqëson një pikë referimi të ri për palestrat e basketbollit në të gjithë botën, Federatës së Basketbollit të Kosovës i jep gëzim dhe kënaqësi të madhe që të jemi në gjendje të instalojmë dhe shfrytëzojmë zgjidhjet “hardwerike” dhe “softuerike” të “Synergy Sportsit” në tetë palestrat në të gjithë Kosovën. Kjo si pjesë e angazhimit tonë të përgjithshëm për të patur një shikueshmëri më të madhe për të gjitha garat tona të basketbollit, si dhe mjete më të mira për edukimin dhe avancim e trajnerëve dhe gjyqtarëve tanë”.
Prodhimi i automatizuar i videos me integrimin e tabelës, sistemi i rishikimit të gjyqtarëve, shërbimet e zhvillimit të trajnerëve dhe lojtarëve dhe integrimi i automatizuar i videove grafike, janë pjesë e marrëveshjes shumëvjeçare dhe përbëjnë një investim të rëndësishëm në basketbollin e Kosovës nga një partner i besuar dhe me reputacion në basketbollin botëror siç është “Synergy Sportsi”. E përfunduar gjatë kohëve të vështira të një pandemie globale, kjo është një marrëveshje partneriteti me një komponent të fortë bashkëpunimi që ka rëndësi të madhe strategjike për zhvillimin e basketbollit të Kosovës në të gjitha nivelet”.
Të tjera
-
Dënohet me 24 vite burgim i akuzuari për dhünimin e një 14 vjeçareje në Prizren
Gjykata Themelore në Prishtinë ka dënuar të akuzuarin E.G me 24 vite burgim p...
-
LDK: Rënia në indeksin e lirisë së shtypit një alarm që duhet të na mobilizojë të gjithëve
Pas rënies për 19 vende të Kosovës në Indeksin vjetor për lirinë e shtypit të...
-
Ambasada amerikane: Një demokraci e fortë inkurajon një shtyp të lirë
Në Ditën Botërore të Lirisë së Shtypit, ambasada amerikane në Prishtinë thotë...
-
Krasniqi pas raportit të RFS-së: Qeveria ta ndërpresë cenimin dhe përndjekjen e gazetarëve dhe mediave të lira
Kryetari i PDK-së, Memli Krasniqi, në Ditën Botërore të Lirisë së Shtypit ka ...
-
Lirohet nga akuza për vra*je në tentativë, rasti kishte ndodhur në vitin 2000
Gjykata Themelore në Gjakovë e ka liruar Sheremet Bajramin nga akuza për vras...
-
Ramush Haradinaj: Qëndrojmë krah medias
Kryetari i Aleancës për Ardhmërinë e Kosovës, Ramush Haradinaj, ka reagura pa...
-
Këshilli i Mediave të Shkruara i shqetësuar me regresin e Kosovës në indeksin e Reporterëve pa Kufij
Këshilli i Mediave të Shkruara të Kosovës ka reaguar për regresin e Kosovës n...
-
Regresi në lirinë e mediave, Rohde: Rënie alarmante, mediat duhet të mbrohen e jo të kontrollohen
Kosova ka rënë për 19 vende në Indeksin vjetor për lirinë e shtypit të organi...
-
Kërkesa e kahmotshme: Komuna e Zveçanit siguron transport për nxënësit
Komuna e Zveçanit ka siguruar transport për nxënësit e arsimit fillor dhe të ...
-
Reporterët pa Kufij për Serbinë: Gazetarët janë të ekspozuar ndaj kërcënimeve të nxitura nga përfaqësuesit më të lartë të qeverisë
Liria e medias në Serbi është në nivelin më të ulët që nga lansimi i Indeksit...
-
Flutura Kusari për raportin e Reporterëve pa Kufij: Njollë e zezë në historinë e re të Kosovës
Kosova ka shënuar një rënie prej 19 vendesh në Indeksin vjetor për Lirinë e S...
-
Arrestohet një person, goditi me veturë disa gra në Graçanicë
Policia e Kosovës ka arrestuar një burrë në Gracanicë pasi dyshohet se ka god...