Lajme

Këshilli i Mediave të Shkruara i shqetësuar me regresin e Kosovës në indeksin e Reporterëve pa Kufij

Autori: Gazeta inFokus 10:19 | 03 May 2024

Këshilli i Mediave të Shkruara të Kosovës ka reaguar për regresin e Kosovës në indeksin e Reporterëve pa Kufij.

Këshilli ka bërë thirrje që mediat dhe gazetarët të mos pengohen gjatë punës së tyre.

Sulmet politike ndaj mediave dhe gazetarëve, janë një kërcënim serioz për një gazetari të pavarur dhe profesionale, theksohet në reagimin e KMShK-së.

-Advertisement-

Më poshtë gjeni reagimin e plotë:

Me rastin e 3 Majit – Ditës Botërore të Lirisë së Shtypit, Këshilli i Mediave të Shkruara të Kosovës (KMShK) sjell ndërmend se liria e medias është pjesë thelbësore e një shoqërie demokratike.

KMShK shpreh shqetësimin për përkeqësimin e lirisë së medias në Kosovë, gjegjësisht regresin që ka shënuar Kosova në Indeksin e Reporterëve Pa Kufij, duke rënë për 19 vende – nga pozita 56 në 75.

KMShK bën thirrje që mediat dhe gazetarët të mos pengohen gjatë punës së tyre. Sulmet politike ndaj mediave dhe gazetarëve, si dhe fushatat linçuese ndaj tyre janë kërcënim serioz për një gazetari të pavarur dhe profesionale, si dhe për integritetin dhe jetën e gazetarëve. KMShK i vlerëson të dëmshme dhe të papranueshme përpjekjet e autoriteteve për kontroll mbi mediat dhe cenimin e fjalës së lirë.

Subscribe në YouTube: GAZETA INFOKUSI
Çka do të thotë të gatuash shqip?
-Advertisement-

Të tjera

Fokusi

lajme