Kandidati për deputet nga Lidhja Demokratike e Kosovës, Sali Asllanaj, sot takoi strukturat e LDK-së në fshatrat e Suharekës.

Gjatë takimit me banorët e fshatrave Reshtan, Studençan dhe Samadraxhë,

Asllanaj ka thënë se në rrethanat që ndodhet Kosova, LDK është alternativë e vetme për një Kosovë që duam.

-Advertisement-

“Për shkak të qeverisjes së drejtuar nga Vetëvendosje, Kosova rrezikoi shumë, pasi që rrezikoi dhe cenoi rëndë raportet me aleatin tonë të përhershëm, SHBA-të. Është dashur që shtetin ta marrë në dorë LDK, në mënyrë që këto raporte të ktheheshin në binarë. Nëse LDK nuk është prapë në drejtim të qeverisë, jemi në rrezik, prandaj ne jemi alternativa e vetme për një Kosovë që duam”, ka thënë Asllanaj.

Kandidati i LDK-së për deputet, Sali Asllanaj, i cili në listën zgjedhore mban numrin 41, qëndroi edhe në fshatin Samadraxhë. Para banorëve të këtij fshati, Asllanaj tha se nëse merr besimin për të qenë pjesë e legjjislaturës së 8-të, ai do të jetë sërish zëri i tyre në Kuvendin e Kosovës.

“Siç e dini unë kam qenë deputet edhe më herët, në vitet 2010-2013. Pas shpalljes së pavarësisë mendonim se gjërat do të shkojnë në drejtim të duhur, por ata që qeverisën pas LDK-së gjërat i ndryshuan për të keq. Unë edhe gjatë asaj legjislature me tërë potencialin tim kam qenë i perkushtuar për qytetarin, sidomos për këtë rajon, i cili ka dhënë shumë për vendin. Më nevojitet edhe njëherë besimi qytetar që të mund të artikulojë kërkesat tuaja në Kuvendin e Kosovës”, ka thënë Asllanaj para banorëve të Samadraxhës.

Ish kryetari i Komunës së Suharekës, për 12 vjet, tha se ata që e harruan Suharekeën, nuk kanë të drejtë të vijnë e të kërkojnë votë këtu, pasi që suharekasit nuk harrojnë.

“Shumë deputetë të partive të tjera , kanë ardhur në këtë truall, me idenë se sonte mashtroheni duke votuar për ta, për ata të cilët e harruan këtë rajon dhe u ra ndërmend vetëm në kohë fushate. Ju e dini të dashur bashkëvendas se une isha gjithmonë këtu, pranë jush për t’iu dëgjuar e për të qenë pranë jush në të mirë e në të keq. Është koha e juaj që këtë lidhje të fortë që e kemi tash e dy dekada mos ta shkëpusim”, ka thënë Asllanaj.

Tutje, ish deputeti dhe ish kryetari i Komunës së Suharekës, i cili po kërkon sërish besimin për të qenë pjesë e Kuvendit, ka ftuar të gjithë qytetarët e Suharekës dhe Kosovës, që të dielën të mendojnë për të ardhmen e tyre dhe për të ardhmen e femijëve të tyre. Ai ka ftuar të gjithë që të votojnë LDK dhe atë si kandidat me numër 41 në listën zgjedhore të LDK-së.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-