Lajme

Avdyli për Mustafën: Pas 14 shkurtit ka me mbet në histori si humbësi serik më i madh i zgjedhjeve

Autori: Gazeta inFokus 10:40 | 10 February 2021

Ish-anëtari i Lidhjes Demokratike të Kosovës (LDK), Haxhi Avdyli ka reaguar pas deklaratave të kryetarit të LDK’së, Isa Mustafa, lidhur me shamitë e kuqe të vendosura nga Lëvizja Vetëvendosje në Prishtinë.

Avdyli i cili garon për deputet në listën e kësaj partie, ka thënë se “ata që bërtasin më së shumti kapeni hajnin, është vet hajni”.

Ai deklaroi se Mustafa pas zgjedhjeve të 14 shkurtit do të mbes në histori si humbësi më i madh serik i zgjedhjeve.

-Advertisement-

“Kur Sekretari krahinor i Lidhjes Komuniste të Kosovës Isa Mustafa që punoi edhe një vit pas rënjes së autonomisë së Kosovës, flet për ANTIKOMUNIZEM e për shalla të kuqe, edhe atë në vitin 2021 është e gërditshme. Po flet Isë “Antikomunisti” për komunizëm që kur formua LDK ishte në anën Borislav Joviqit. Po flet për vlera demokratike ai i cili pas 14 shkurtit ka me mbet në histori si humbësi serik më i madh i zgjedhjeve , që humbi Prishtinën, Podujeven e tërë Kosovën”, ka shkruar ai.

Postimi i plotë:

Paska shkretu prap Isa .Zakonisht ata që bërtasin më së shumti -KAPENI HAJNIN, është vetë Hajni. Është rregull e pashkruar që antikomunisti më i rrezikshëm zakonisht është ish-komunisti. Kur Sekretari krahinor i Lidhjes Komuniste të Kosovës Isa Mustafa që punoi edhe një vit pas rënjes së autonomisë së Kosovës, flet për ANTIKOMUNIZEM e për shalla të kuqe, edhe atë në vitin 2021 është e gërditshme. Po flet Isë “Antikomunisti” për komunizëm që kur formua LDK ishte në anën Borislav Joviqit. Po flet për vlera demokratike ai i cili pas 14 shkurtit ka me mbet në histori si humbësi serik më i madh i zgjedhjeve , që humbi Prishtinën, Podujeven e tërë Kosovën. Ky që LDK-në e ka shëndrru në Lidhje ,por demokratiken e ka shkatërru në atë parti. Po flet Isë “Rugovisti” që ia ndaloi financat Rugovës e themelonte parti me Bukoshistat për ta dobësuar Rugovën. Po flet ai i cili zgjohej jerm dhe shkarkonte me emaila kolegët nga partia si askush më parë vetëm pse spajtoheshim me veprimet e tij shkatërruese në mes pandemisë. Ndryshimi i madh që do ndodh me 14 shkurt ka me ia trondit themelet krejt kriminelevëve të veshur në petkun e politikanëve, prandaj kanë arsye me u shqetësua Isa dhe shokët e tij në Partitë tjera që ka bashkëqeverisë e kanë abuzuar me pushtetin për interesa klanore.