Lajme

Për herë të parë nga prilli, Gjermania regjistron mbi 5,000 raste me koronavirus

Autori: Gazeta inFokus 10:05 | 14 October 2020

Gjermania ka regjistruar më shumë se 5,000 raste me koronavirus brenda 24 orëve, për herë të parë nga muaji prill, ka njoftuar agjencia kombëtare për kontrollin e sëmundjeve në këtë shtet.

Shifrat e publikuara të mërkurën nga Insitituti Robert Koch, kanë treguar se 5,132 raste të reja janë regjistruar me këtë virus, çka përbën rritje për më shumë se 1,000 persona të infektuar, në krahasim me 4,122, të martën.

Një total prej 334,585 i të infektuarve është regjistruar në këtë shtet, prej kur ka shpërthyer pandemia, derisa si pasojë e tij kanë vdekur 9,677 pacientë.

-Advertisement-

Një javë më parë, autoritetet shëndetësore kanë raportuar 2,828 raste me koronavirus në Institutin Robert Koch.

Numri i të infektuarve tani u është kthyer niveleve të mesit të prillit por jo atyre të pikut të pandemisë që është shënuar në muajin mars dhe fillimin e prillit, kur autoritetet gjermane kanë regjistruar më shumë se 6,000 raste në ditë, shkruan Rel.

Megjithatë, tani është thënë se janë duke u kryer më shumë teste në krahasim me muajt paraprak, andaj edhe janë duke u regjistruar më shumë të infektuar.

Subscribe në YouTube: GAZETA INFOKUSI
Etiketa:
Zbritje dhe plot 5 dhurata – Oferta spektakulare e dyshekëve Comodita
-Advertisement-

Të tjera

Fokusi

lajme