Fokus

Sava Janjiq për marrëveshjen finale: Të mësojmë nga gabimet që të mos përsëriten

Autori: Halil Berisha 15:28 | 31 August 2020

Më 4 shtator është planifikuar takimi në mes të liderëve të Kosovës dhe Serbisë në Shtëpinë e Bardhë në Uashington.

Saktësisht nuk dihet se çka do të bisedohet, megjithatë, nga shumë njohës të politikës edhe është thënë që mund të bisedohet edhe për një marrëveshje finale në mes të Kosovës dhe Serbisë, shkruan gazeta Infokus.

Gazeta Infokus ka realizuar një intervistë me Sava Janjiq, Patriarkun e Manastirit të Deçanit, që u bë temë ditëve të fundit, pas pezullimit të ndërtimit të rrugës, Deçan – Plavë.

-Advertisement-

Janjiq për Infokus ka thënë që marrëveshja përfundimtare është kryesore që të siguroj jetë normale për të gjithë, pavarësisht gjuhës dhe mënyrës se si i luten Zotit.

“Unë nuk jam politikan dhe nuk mund të jap një formulë për zgjidhje për dialogun mes Beogradit dhe Prishtinës.

Unë e di veç se nëse arrihet një marrëveshje, ajo duhet të jetë e atillë që të mundësojë një jetë normale dhe të sigurtë për të gjithë njerëzit, pa marrë parasysh se në cilën gjuhë flasin dhe si i luten Zotit, që trashëgimia kulturore e të gjithë popujve të mbrohet dhe respektohet në mënyrë të duhur e të mësojmë nga gabimet e së kaluarës, që mos t’i bëjmë në të ardhmen”, ka thënë Janjiq.

Intervistën e plotë të Sava Janjiq për Manastirin, dialogun e marrëveshjen finale në mes të Kosovës dhe Serbisë mund ta lexoni në Gazeta Infokus në ora 16:00./Gazeta Infokus/

Subscribe në YouTube: GAZETA INFOKUSI
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

fokus