Fun & Video

Volkswagen, rinis puna në fabrikën më të madhe të makinave në Europë

Autori: Gazeta inFokus 15:23 | 28 April 2020

Volkswagen, prodhuesi më i madh në botë i shitjeve të makinave, rifilloi punën këtë të hënë në fabrikën e saj më të madhe në Gjermaninë Veriore.

Në një deklaratë, VW tha se 8,000 punonjës në qytetin e Wolfsburgut filluan ndërtimin e makinave, nën kufizime të forta të higjenës për të frenuar përhapjen e koronavirusit.

1,400 makina priten të ndërtohen këtë javë. Ndërsa javën tjetër prodhimi do të përfshijë më shumë se 6 mijë automjete, rreth 40 për qind e niveleve të para krizës.

-Advertisement-

“Rifillimi hap pas hapi i prodhimit është një sinjal i rëndësishëm për fuqinë punëtore, tregtarët, furnitorët dhe ekonominë,” tha Ralf Brandstaetter, kryeshefi Operativ i markës Volkswagen Passenger Cars.

“Në drejtim të administrimit të krizës, ky është vetëm hapi i parë. Nevojitet një moment tjetër për të stimuluar kërkesën në Gjermani dhe në të gjithë Europën në mënyrë që vëllimet e prodhimit të mund të rriten me sukses.”

Kompania ka zbatuar masa shtesë higjene në fabrikë. Punonjësit pritet të kontrollojnë temperaturën e tyre në shtëpi çdo mëngjes, dhe të veshin uniformën që në shtëpi, në mënyrë për të parandaluar grumbullimin në dhomat e ndërrimit të fabrikës.

Shenjuesit në fabrikë do të ndihmojnë punëtorët të mbajnë një distancë prej 1.5 metrash nga njëri-tjetri. Kur kjo nuk është e mundur, maska duhet të vishet për të mbrojtur hundën dhe gojën. Punonjësit do të kenë kohë shtesë për të dezinfektuar mjetet dhe sipërfaqen e punës.

Volkswagen filloi prodhimin në disa qytete gjermane në fillim të prillit dhe rifilloi prodhimin në Gjermani dhe Sllovaki në 20 Prill. Këtë javë kompania planifikon të rifillojë prodhimin në Portugali, Spanjë, Rusi, Afrikën e Jugut dhe Amerikën e Jugut dhe nga 3 maj e tutje në Tenesi në Shtetet e Bashkuara./CNN

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

fun-video