Lajme

“10 mijë njëherë, 20 mijë më vonë”, reagon këshilltari i Liburn Aliut: Ne po e luftojmë krimin e organizuar

Autori: Gazeta inFokus 20:34 | 01 June 2022

Këshilltari i Liburn Aliut, Florent Ramqaj ka reaguar pas përgjimeve të fundit të Gazetes Nacionale ku përfshihet në një aferë të rëndë korrupsioni, shkruan Insajderi/

Për të minimizuar fajin Ramqaj, ka thënë se në kohën kur lëre që nuk ka keqpërdorime por edhe ku janë duke u luftuar e denoncuar cdo ditë keqpërdorimet e mëdha që kanë ndodhur, po shpifet ndaj meje.

Postimi i plotë:

-Advertisement-

Sqarim

Të dashur qytetarë,

Nuk ka asgjë të vërtetë te sulmet me shpifje, përveç faktit se shpifjet po porositen nga ata që janë stërpasuruar padrejtësisht. Nga ata që ne ua kemi ndalë hajninë.

Pikërisht në kohën kur lëre që nuk ka keqpërdorime por edhe ku janë duke u luftuar e denoncuar cdo ditë keqpërdorimet e mëdha që kanë ndodhur, sidomos në ministrinë Infrastrukturës, sot qenka publikuar një emision, ku për ironi lakohet emri im për kinse keqpërdorime.

Sot, pastërtine time unë po e shprehi në dy mënyra. Së pari, duke i cilësuar si të pasakta dhe të pavërteta pretendimet edhe interpretimet e bëra – që më së shumë tregojnë për familjarizimin e autorit të këtij emisioni me praktikat korruptive të deritanishme. Së dyti, duke shprehur gatishmërinë por edhe duke u bërë thirrje të gjitha institucioneve të hetuesisë dhe drejtësisë që të trajtojnë cdo dyshim mbi veprimtarinë time përgjatë kohës sa jam i angazhuar në ministrinë e Mjedisit, Planifikimit Hapësinor dhe Infrastrukturës

Me krimin dhe korrupsionin që e kemi hasur në këtë ministri, kemi pritur sulme të tilla.

Luftën me krimin e organizuar nuk e kemi menduar asnjëherë të lehtë. Sa me madhe lufta jonë, aq i madh sikleti i tyre.

Mbi këto shpifje dhe të pavërteta nga nesër do të merrem me përgatitjen e ankesës dhe padisë për shpifje.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!

Të tjera

Fokusi

lajme