Ekonomi

Zvicra në vendin e dytë për fuqi blerëse

Autori: Gazeta inFokus 10:40 | 24 March 2018

Për vitin 2017 Shqipëria u rendit si një ndër vendet më të varfra të Evropës për nga fuqia blerëse, në një grup me fqinjët ballkanas, ku përjashtim bën vetëm Mali i Zi.

Indeksi i GfK, që mat fuqinë blerëse të shteteve, e nxjerr Shqipërinë në mesin e vendeve me aftësi blerëse më të ulët në të gjithë Evropën.

Sipas studimit të GfK për fuqinë blerëse në 2017, evropianët kanë patur në dispozicion mesatarisht 13,937 euro për person, në dispozicion për shpenzime por edhe kursime në vitin e shkuar, në rritje me 1.9% nga një vit më parë. Por për 42 vende ku shtrihet ky studim, të ardhurat neto ndryshojnë, përcjell albinfo.ch.

-Advertisement-

Kështu Islanda (1), Zvicra (2) dhe Lihtenshtejni (3) kanë fuqi më të lartë blerëse, ndërsa bashkë me Shqipërinë, në grupin e shteteve me fuqinë më të ulët blerëse janë edhe Maqedonia, Bullgaria, Bosnje Hercegovina, Serbia, por edhe Bjellorusia, Moldavia dhe Ukraina.

Përgjatë gjithë vitit 2017, evropianet kishin 9,4 miliardë euro në total për shpenzimet ku përfshihet ushqimi, akomodimi, energjia, sigurime, pushime, shërbime e shpenzime jetese apo blerje të tjera.

Fuqia blerëse e GfK tregon nivelin e fuqisë blerëse për person në një vit, ku përjashtohen taksat dhe kontributet.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

ekonomi

Ky website përdor cookies. Duke vazhduar përdorimin, ju pranoni përdorimin e tyre.

Privacy policy