Sport

Zhegrova: Dua të luaj për Barcelonën

Autori: Gazeta inFokus 12:27 | 15 December 2021

Ylli i Kombëtares së Kosovës Edon Zhegrova ka treguar që ëndërron në të ardhmen ta veshë fanellën e gjigandit katalunas Barcelona.

Momentalisht, Zhegrova është pjesë e skuadrës zvicerane Basel, ku këtë sezon në 15 paraqitje në të gjitha garat, ka regjistruar katër gola dhe gjashtë asistime mbi emrin e tij, përcjell KosovaPress.

22 vjeçari kosovar është duke shkëlqyer këtë sezon me skuadrën e Baselit, por ka treguar se ëndrra e tij në të ardhmen është që të kalojë te Barcelona.

-Advertisement-

“Dua që të vazhdojë hap pas hapi. Në një pikë në të ardhmen do të luajë për Barcelonën. Gjithmonë e kam thënë që ky është qëllimi im, dhe nuk do të ndalem derisa të arrijë aty”, tha Zhegrova për “Blick”.

Po ashtu, Zhegrova në një intervistë për media para ndeshjes derbi kundër Young Boys ka thënë që skuadra më e mirë në Zvicër është Baseli.

“Unë mendoj që ne jemi skuadra më e mirë në Zvicër”, tha Zhegrova.