Lajme

Zëdhënësi i Aleancës i përgjigjet Manxhukës: Mosshkuarja në zgjedhje evitohet lehtë, pranojeni 6-pikëshin tonë për të mirën e qytetarëve

Autori: Gazeta inFokus 15:22 | 16 July 2026

Zëdhënësi i Aleancës, Kushtrim Xhemaili, ka reaguar ndaj deklaratave të zëdhënësit të Qeverisë, Arlind Manxhuka, i cili ka akuzuar opozitën se me, siç e ka quajtur ai, “barrikadim”, po e shtyn vendin drejt zgjedhjeve të reja.

Xhemaili ka rikujtuar ofertën 6-pikëshe të Aleancës, duke thënë se që nga 26 qershori nuk ka pasur asnjë reflektim nga ana e Lëvizjes Vetëndosje për këtë propozim.

“Prej 26 qershorit, asnjë reflektim për ofertën tonë. Qytetari i Kosovës as sot nuk e di pse po e bëjnë këtë. Mosshkuarja në zgjedhje evitohet lehtë. Pranojeni 6 pikëshin tonë për të mirën e qytetarëve. Kaq sa i përket barrikadimit”, ka shkruar Xhemaili.

-Advertisement-

Sipas tij, oferta 6-pikëshe e Aleancës përfshin çështje që lidhen me zhvillimin ekonomik, sigurinë kombëtare dhe interesin e përgjithshëm të qytetarëve.

Aleanca ka qenë partia e vetme opozitare që pas zgjedhjeve të 7 qershorit ka mbajtur një qëndrim të qartë politik, duke prezantuar ofertën 6-pikëshe si parakushte për mbështetjen e krijimit të institucioneve të reja.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy