Lajme

Sveçla njofton për aksionin në Mitrovicë, sekuestrohen kok*ainë, telefona dhe mbi 1 mijë euro

Autori: Gazeta inFokus 22:04 | 20 November 2026

Ministri i Punëve të Brendshme, Xhelal Sveçla, ka bërë të ditur se Policia e Kosovës, në koordinim me Agjencinë e Kosovës për Inteligjencë (AKI), ka realizuar një operacion në Mitrovicën e Jugut, ku është arrestuar një person i dyshuar për përfshirje në veprimtari të lidhura me narkotikët.

Përmes një postimi në Facebook, Sveçla ka njoftuar se gjatë operacionit janë sekuestruar 51.2 gramë substancë e dyshuar narkotike e llojit kokainë, një pjesë e së cilës ishte e përgatitur për shitje.

Po ashtu, janë sekuestruar dy telefona celularë dhe 1 mijë e 155 euro para të gatshme.

-Advertisement-

Sveçla ka theksuar se lufta kundër trafikantëve dhe shpërndarësve të drogës do të vazhdojë në çdo cep të vendit.

“Të gjithë ata që merren me trafikimin dhe shpërndarjen e narkotikëve do të përballen me institucionet e rendit dhe drejtësisë. Nuk do të ketë askund hapësirë për veprimtarinë e tyre kriminale”, ka shkruar ministri.

Ai ka shtuar se lufta kundër kësaj dukurie do të jetë e pandalshme, orë pas ore.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy