Lajme

Xhandarmëria serbe bastis shtëpitë e ish-ushtarëve të UÇPMB-së

Autori: Gazeta inFokus 11:38 | 09 March 2023

Shtëpitë e disa prej ish-ushtarëve të Ushtrisë Çlirimtare për Preshevë, Medvegjë dhe Bujanovc, janë bastisur nga ana e xhandarmërisë serbe.

Rasti ka ndodhur mëngjesit e 6 marsit, është bërë e ditur nga Lëvizja e Progresit Demokratik.

Kjo parti ka reaguar fuqishëm duke e cilësuar presion ndaj shqiptarëve, e në veçanti ndaj familjes së Nadir Sefedinit.

-Advertisement-

“Dhuna të cilën e kanë ushtruar në mëngjesin e 6 marsit nuk e justifikon arsyen në letër, por vetëm qëllimin e njëjtë e me veprime të përsëritshme për frikësimin e banorëve nëpërmjet dhunës psikike e fizike ndaj qytetarëve shqiptarë e pronave të tyre”, thuhet në reagimin e tyre.

Sipas kësaj partie, këto veprime kanë vetëm një qëllim final, pasigurinë e qytetarëve duke rrezikuar paqen dhe stabilitetin në Luginë të Preshevës, por edhe në rajon, shkruan Telegrafi.

“Për rastin në fjalë jemi duke i njoftuar autoritetet ndërkombëtare si dhe qeveritë në Kosovë dhe Shqipëri, që të ndërmarrin masa konkrete ndaj veprimeve të tilla antinjerëzore e antishqiptare”.

“Prandaj dënojmë ashpër këto akte qyqare të mentalitetit millosheviqian, dhe i bëjmë thirrje autoriteteve serbe që të mbajnë qetësinë, se ky vend është i banorëve të saj e veprimet e tilla nuk i shërbejnë të ardhmes evropiane”, thuhet tutje. \\

Subscribe në YouTube: GAZETA INFOKUSI
KosovaMed përmbyll vitin me sukses – dhuron donacione për QKMF-në e Junikut

Të tjera

Fokusi

lajme