Lajme

Viti 2023, i mundshëm për arritjen e një marrëveshje finale

Autori: Gazeta inFokus 21:46 | 02 October 2022

Viti i ardhshëm po konsiderohet si mundësi për arritjen e një marrëveshje finale mes Kosovës dhe Serbisë. Derisa diplomatët kosovar kanë thënë se qarqet diplomatike të ShBA-së janë optimiste për arritjen e një marrëveshjeje, opozita ka kritikuar Qeverinë për mos transparencë në çështjen e dialogut.

2023-a po vlerësohet si vit i mundshëm për arritjen e një marrëveshje finale mes Kosovës dhe Serbisë.

Ish-ambasadori i Kosovës në Shtetet e Bashkuara të Amerikës, Avni Spahiu, ka thënë se qarqet diplomatike dhe politike në ShBA dhe Bashkim Evropian, janë optimiste se brenda vitit të ardhshëm do të ketë një marrëveshje finale.

-Advertisement-

Spahiu ka thënë se Qeveria e Kosovës nuk duhet të pranojë asnjë zgjidhje gjysmake që nuk garanton normalizimin e plotë të marrëdhënieve me njohje reciproke.

Për dialogun, shefja e Grupit të Deputetëve të Lëvizjes Vetëvendosje, Mimoza Kusari-Lila, ka thënë se qëllimi është arritja e një marrëveshje me njohje në qendër.

Kurse, opozita ka hedhur akuza për mos transparencë për çështjen e dialogut.

Javë më parë, temë diskutimi ishte një dokument që quhej kornizë e re e dialogut mes dy vendeve, mirëpo një gjë e tillë ishte mohuar dhe demantuar nga Bashkimi Evropian./Gazeta10

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme