Sport

VIDEO/ “Çmendet” Balotelli, shënon 5 gola në një ndeshje, por njëri është i veçantë

Autori: Gazeta inFokus 10:33 | 23 May 2022

Në ditën që Milani fiton titullin kampion, feston edhe Mario Balotelli, që gjithë entuziazmin e tij e konkretizon me plot 5 gola të shënuar në ndeshjen e fundit të kampionatit ndaj Goztepe, takim të cilin Adanaspor e fitoi me rezultatin e thellë 7-0.

Kundërshtari ishte tashmë i rënë nga Superliga turke dhe vinte pa motivim në këtë takim, teksa Balotelli ishte i papërmbajtshëm, duke shënuar 5 gola, tre në pjesën e parë dhe dy në të dytën.

Veçanërisht njëri prej tyre ishte vërtetë i veçantë, me sulmuesin Italian që hyri në zonë dhe goditi në mënyrë të habitshme me finte, duke dërguar topin në rrjetë.

-Advertisement-

Kjo ishte hera e parë që sulmuesi shënon 5 gola në një ndeshje dhe i dërgon po kaq sinjale Roberto Mancinit, se është në formë mjaft të mirë dhe kërkon një vend në kombëtaren italiane.