Lajme

Vendi i pajtimit mes familjeve shqiptare është shndërruar në deponi mbeturinash

Autori: Gazeta inFokus 21:59 | 03 January 2023

“Anton Çetta ka qenë një patriot shumë i madh që ka ditë të bashkojë të gjithë shqiptarët”. Kështu e përkujton Anton Çettën ish-bashkëpunëtori i tij, Shaban Murati me rastin e ditëlindjes së tij.

Murati për tëvë1 tregon se gjatë pajtimit të gjaqeve mes familjeve shqiptare, qëllimin e kishin të përbashkët që armët t’ia kthenin pushtuesit.

“Neve na u ka nevojit më shumë se kurrë që ne ta përqafojmë njëri-tjetrin duke e ditur se kemi një armik të përbetuar i cili me çdo kusht për ta ka qenë të jetë pushka mes shqiptarëve mes vete dhe jo ta kenë lapsin shkollimin dhe drejtimet tjera”, tha Murati.

-Advertisement-

Madje, Murati tregon momente të bashkëveprimit me Anton Çettën, thotë se ndjenjat ishin të mëdha për të punuar krahas tij.

“Ka qenë ndjenjë shumë e madhe sepse ka qenë personalitet i madh për çështjen kombëtare që ka punuar për pajtimin e gjaqeve… Ndjenja ka qenë ajo se është pak e çuditshme, kemi pas kurajo të madhe edhe pse kemi qenë në okupim klasik ne kemi pasë guxim që ne kur jemi afru afër tij si afër një engjëlli”, shtoi ai.

E gjithë këto pajtime mes familjeve ishin organizuar gjatë viteve të 90-ta në vendin e quajtur “Fusha e Pajtimit” në Prishtinë.

28 vjet pas, ky vend tashmë nuk e ka funksionin e njëjtë.

Çetta i cili ishte edhe profesor e shkrimtar ka vdekur në vitin 1995 në moshën 75-vjeçare.

Në nderim të veprës së tij në oborrin e Universitetit të Prishtinës gjatë vitit të kaluar ishte ngritur një shtatore.

Subscribe në YouTube: GAZETA INFOKUSI
Çka do të thotë të gatuash shqip?
-Advertisement-

Të tjera

Fokusi

lajme