Lajme

Vazhdon lufta në Ukrainë, raportohet për luftime brenda qytetit të Mariupolit

Autori: Gazeta inFokus 09:48 | 19 March 2022

Në qytetin e rrethuar ukrainas, Mariupol, po raportohet për luftime brenda qytetit.

Transmetuesi britanik BBC raporton se trupat ruse kanë arritur që të depërtojnë përmes kolonave të blinduara.

Në këtë qytet, ku po vazhdojnë luftimet, besohet se janë 300,000 persona të bllokuar, të cilët nuk po mund të evakuohen për shkak të granatimeve.

-Advertisement-

Po ashtu, qindra persona ende besohet se gjenden të bllokuar në teatrin e Mariupolit që u bombardua disa ditë më parë. Në këtë objekt, që përdorej për strehim, besohet se në momentin e bombardimit gjendeshin mbi 1,000 persona.

Luftime raportohet se po zhvillohen edhe në pjesë të tjera të Ukrainës. Në Harkiv, forcat ukrainase po vazhdojnë të zmbrapsin sulmet ruse dhe e njëjta gjë po ndodh edhe në Sumi, që gjendet në verilindje të Ukrainës./REL

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera

Fokusi

lajme