Lajme

Temperaturat e larta në vend, Shpëtimi Malor i Kosovës del me një apel për bjeshkatarët dhe vizitorët e maleve

Autori: Gazeta inFokus 18:22 | 21 June 2024

Si pasojë e temperaturave të larta, Shpëtimi Malor i Kosovës ka dalë me një apet për të gjithë bjeshkatarët dhe vizitorët e maleve.

Në njoftimin e tyre në Facebook thuhet që ta evitojnë ekspozimin në diell.

Më poshtë mund ta lexoni njoftimin e plotë:

-Advertisement-

Të dashur bjeshkatarë, dhe vizitorë të maleve!

Ditëve të fundit dhe në vazhdim mbi vendin tonë mbizotëron një gjendje jo normale e temperaturave të larta.

Ju lutem zgjedhni me kujdes aktivitetet e juaja bjeshkatare duke evituar ekspozimin në diell.

Merrni lëngje të mjaftueshme dhe hidratoni trupin tuaj para, gjatë dhe pas aktiviteve në bjeshkë, duke e shoqëruar me minerale të nevojshme.

Planifikoni shtigjet ku mund të furnizoheni me ujë si dhe keni veshmbathje të duhura në përshtatje me temperaturat: të lehta, me veti ajrosje dhe nuanca të ndritshme. Mbuloni kokën dhe qafën me kapela dhe shami mbrojtëse kundër diellit si dhe përdorni krem kundër djeg-jes nga dielli.

Bëni pushime të shpeshta gjatë ecjes dhe zgjedhni vende nën hije. Planifikoni itinerarin e ecjes duke u bazuar në elementet e menaxhimit të rrezikut, çasja në rrjetin GSM telefonik apo SOS satelitor.

ShKShMK

Subscribe në YouTube: GAZETA INFOKUSI
Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…

Të tjera