Lajme

U arrestua dje si i dyshuar për sulm ndaj Policisë e KFOR’it, ” Lune” sot del para gjykatës

Autori: Gazeta inFokus 14:03 | 14 June 2023

Milun Milenkoviç, i cili u arrestua dje si i dyshuar për organizim të sulmeve ndaj pjesëtarëve të KFOR-it, do të dalë sot në orën 14:00 para gjykatës.

Seanca për caktimin e masës së paraburgimit do të nis në orën 14:00, konfirmoi për Gazetën Express zëdhënësja e Gjykatës Themelore të Prishtinës, Mirlinda Gashi.
Lajmin për arrestimin e të dyshuarit Milenkoviq e bëri të ditur dje ministri i Punëve të Brendshme, Xhelal Sveçla.

Sveçla tha se Milun Milenkovic- Llune është një nga organizatorët e sulmeve ndaj pjesëtarëve të KFOR-it.

-Advertisement-

“Policia e Kosovës sot ka arrestuar Milun Milenkovic- Llune, një nga udhëheqësit e formacionit kriminal “Mbrojtja Civile” dhe prijësin e bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës. I njejti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan”, njoftoi ministri.

Gjatë arrestimit të tij, janë sulmuar zyrtarët e Policisë së Kosovës me ç’rast tre nga ta janë të lënduar lehtë.

Subscribe në YouTube: GAZETA INFOKUSI
Etiketa:
MYZHDE për krejt!
-Advertisement-

Të tjera

Fokusi

lajme