Lajme

Turqia ndalon disa gazetarë që raportuan për tërmetin

Autori: Gazeta inFokus 09:09 | 25 February 2023

Gazetari i pavarur turk Mir Ali Koçer ndodhej 300 kilometra nga epiqendra kur Turqia u godit nga tërmeti masiv më 6 shkurt. Ai mori kamerën dhe mikrofonin dhe menjëherë shkoi në regjionin e prekur për të intervistuar të mbijetuarit.

Ai i ndau storiet e të mbijetuarve dhe të shpëtimtarëve në Twitter, kurse tash po hetohet me dyshime për shpërndarje të lajmeve të rreme (fake news) dhe mund të dënohet deri në tre vjet burg.

Koçer është një nga më së paku katër gazetarë, të cilët po hetohen për raportim ose komentim për tërmetin, shkruan BBC.

-Advertisement-

Grupet për lirinë e shtypit thonë se dhjetëra gazetarë tjerë janë ndaluar, abuzuar ose penguar të raportojnë.

Së paku 50 mijë njerëz vdiqën nga goditja e tërmetit në Turqi dhe Siri.

Kurse, autoritetet turke nuk kanë komentuar për këto ndalime të gazetarëve.

Subscribe në YouTube: GAZETA INFOKUSI
BKT Kosova vlerësohet për herë të tretë "Banka e Vitit 2023 në Kosovë" nga The Banker

Të tjera

Fokusi

lajme