Sport

Trajneri kroat i zbulon taktikat që i përdori për ta ndalur Messin

Autori: Gazeta inFokus 13:19 | 01 November 2018

Trajneri i Kombëtares së Kroacisë, Zlatko Dalic, kishte arritur ta mbante pesë herë fituesin e Topit të Artë, Lionel Messi, të heshtur gjatë takimit mes tyre në turneun e Kupës së Botës në Rusi dhe tani ai i ka zbuluar taktikat që i kishte përdorur për ta ndalur argjentinasin.

Dalic kishte arritur të dërgonte Kroacinë deri në finalen e Kupës së Botës, duke u shkruar kështu në histori të vendit. Ai gjithashtu kishte arritur ta mposhte Argjentinën me rezultat 3-0 në fazën e grupeve.

Megjithatë, përkundër që Messi nuk kishte arritur të ishte efektiv në këtë ndeshje, Dalic e ka lavdëruar argjentinasin, duke thënë se ai është lojtari më i mirë në botë, si dhe i ka zbuluar taktikat që i kishte përdorur për ta ndalur argjentinasin.

-Advertisement-

“Për mua, Leo Messi është lojtari më i mirë në botë dhe ai e dëshmon këtë javë pas jave. Është më e vështirë për Messin të luajë për Argjentinën sesa për Barcelonën dhe ne tentuam t’i shfrytëzojmë dobësitë e Argjentinës”, ka thënë Dalic.

“Çelësi ishte të qëndronim të disiplinuar dhe t’i ndjekim taktikat e ndeshjes plotësisht dhe lojtarët tonë e bënë saktësisht këtë gjë. Ne tentuam të mos e lejojmë topin t’i shkonte Messit dhe ta mbronim atë sa më shumë sapo ta merrte topin”.

“Sado i mirë që është Messi, futbollit është një sport ekipor dhe nëse një skuadër performon më mirë se tjetra, është e vështirë që një individ ta ndryshojë të gjithë ndeshjen. Kroacia thjesht ishte skuadër më e mirë se Argjentina në atë ndeshje”

Subscribe në YouTube: GAZETA INFOKUSI