Sport

Trajneri i Republikës Çeke tregon pikën më të fortë të Kosovës

Autori: Gazeta inFokus 17:12 | 22 March 2019

Trajneri i ekipit kombëtar të Republikës Çeke, Jaroslav Silhavy, e ka komentuar grupin e skuadrës së tij për kualifikimet në Kampionatin Evropian 2020, ku do të përballet edhe me Kosovën.

Përveç këtyre dy skuadrave, në Grupin A marrin pjesë edhe Anglia, Bullgaria dhe Mali i Zi. Ndeshjet për kualifikim në EURO 2020 do të fillojnë qysh sonte, kur skuadra e Silhavyt do ta vizitojë skuadrën favorite të këtij grupi, Anglinë.

Megjithatë, trajneri Silhavy beson se skuadra e tij duhet të jetë e kujdesshme edhe në ndeshjet ndaj Kosovës dhe Malit të Zi, pasi që beson se që të dy këto kombëtare kanë skuadra të mira.

-Advertisement-

“Kosova dhe Mali i Zi kanë lojtarë që luajnë në liga shumë të forta. Ata kanë epërsi në ndeshjen në shtëpi për shkak të tifozëve, që i japin mbështetje të mrekullueshme”, ka thënë Silhavy.

“Sa i përket Kosovës, mendoj se ata janë ekipi më i mirë nga vazo e pestë. Nuk duhet ta nënvlerësojmë asnjë kundërshtar”.

Kosova është ekipi kombëtar me rangimin më të ulët nga ky grup, megjithatë ecuria e mirë gjatë kohës së fundit dhe suksesi në Ligën e Kombeve ka dëshmuar se skuadra e Bernard Challandes ka potencial për ta kaluar edhe këtë sfidë, kualifikimin në EURO 2020.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

sport