Lajme

Trajkoviq ndalohet sërish në kufi nga policia serbe

Autori: Gazeta inFokus 21:14 | 15 December 2022

Këshilltarja politike e ministrit të Kosovës, për Komunitete dhe Kthim, Nenad Rashiq, Rada Trajkoviq, është ndaluar sërish nga policia serbe në pikën kufitare me Kosovën.

Këtë e ka bërë të ditur vet ajo në një reagim të saj në twitter, ndërsa thotë se ata që e ndaluan po ndjekin urdhrat nga lartë.

Tutje ajo thotë se është izoluar në të ftohtë dhe nuk ka me vete as terapinë e nevojshme për trajtim të insulinës.

-Advertisement-

”Kjo është një zhvatje e paprecedentë. U ndalova sërish nga policia serbe në vijën administrative me Kosovën, kësaj radhe në drejtim të Serbisë. Punonjësit e policisë janë profesionistë, por ndjekin urdhrat “nga lart”. Jemi të izoluar në të ftohtë dhe nuk kam me vete terapinë e nevojshme me insulinë”.

Ambasadori amerikan Jeffrey Hovenier më herët i dënoi sulmet ndaj Rada Trajkoviq.

“E kam thënë më parë, dhe duhet ta përsëris: Kërcënimet dhe frikësimet për shkak të dallimeve në opinione politike janë të papranueshme në shoqëri të lira dhe demokraitke”, ka thënë ambasadori Hovenier.

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme