Ekonomi

“Trainkos” operon me 1.2 milion euro humbje

Autori: Gazeta inFokus 13:42 | 20 Qershor 2017

Gjatë vitit që lamë pas Ndërmarrja Publike “Trainkos” ka humbur rreth 1,2 milionë euro. Zyra Kombëtare e Auditimit ka gjetur se ndërmarrja publike “Trainkos” gjatë vitit që lamë pas ka punuar me në vlerë prej 1,186,710 euro, raporton infokusi.com.

“Në këtë rezultat financiar, si dhe në veprimtarinë e ndërmarrjes në tërësi ndikim të rëndësishëm kishin disa arsye e që më të rëndësishmet janë: transporti i mallrave si aktiviteti më i rëndësishëm i kompanisë këtë vit kishte rënie të vazhdueshme, mos mbulimi i tërësishëm i humbjeve nga transporti i udhëtarëve për linjat e aprovuara nga Ministria e Infrastrukturës për vitin 2016 dhe gjendja e mjeteve lëvizëse të vjetruara. Duke pasur parasysh trajtimet e mësipërme, gjendja e tanishme pa një bazë reale për të gjetur një zgjidhje adekuate në kapërcimin e saj dhe në rritjen e aktiviteteve dërgon në një situatë ku vihet në rrezik vijimësia e ndërmarrjes”, thuhet në raportin e auditorit I cili është publikuar në ueb faqe të ZKA-së, raporton infokusi.com.

Auditori në këtë rast ka rekomanduar që kryesuesi i Bordit dhe kryeshefi ekzekutiv duhet të hartojnë një plan strategjik të qëndrueshmërisë dhe të përmirësimit të biznesit, i cili duhet të jetë i detyrueshëm në praktikë, raporton infokusi.com / INFOKUSI

-Advertisement-