Ekonomi

Taksa që Trump vendosi për Kosovën, reagon Dhoma e Tregtisë: Do të rëndoj ekonominë e vendit, kërkojmë ndërhyrjen e qeverisë

Autori: Gazeta inFokus 11:12 | 03 April 2025

Dhoma e Tregtisë dhe Industrisë së Kosovës (DhTIK) ka reaguar pas vendimit të Presidentit amerikan, Donald Trump, për vendosjen e një takse prej 10% mbi produktet e eksportuara nga Kosova drejt Shteteve të Bashkuara të Amerikës.

Sipas këtij institucioni, një masë e tillë do të ketë ndikim të drejtpërdrejtë negativ në ekonominë e vendit, duke përkeqësuar më tej situatën e sektorit të eksportit.

“Taksa e SHBA-ve ndaj Kosovës do ta rëndojë edhe më shumë ekonominë tonë. Dhoma e Tregtisë dhe Industrisë ka pritur me shqetësim vendimin e presidentit Trump për vendosjen e kësaj takse. Ky hap pritet të godasë eksportin, i cili tashmë ka shënuar rënie gjatë muajve të fundit,” thuhet në reagimin zyrtar të DhTIK-së.

-Advertisement-

Në reagim, DhTIK i bën thirrje Qeverisë së Kosovës që të ndërmarrë hapa konkretë për të mbështetur bizneset që preken nga ky vendim dhe të angazhohet përmes kanaleve diplomatike për të zbutur pasojat.

“Sipas të dhënave të Agjencisë së Statistikave të Kosovës, në dhjetor 2024 eksportet kishin rënë në 3.5%, ndërsa në janar dhe shkurt 2025, ato zbritën në 2.8% dhe 2.5% respektivisht. Dhoma e Tregtisë ka kohë që ka alarmuar për një vendim të tillë dhe ka kërkuar nga institucionet që të shfrytëzojnë të gjitha mjetet diplomatike për të parandaluar pasojat negative,” thuhet më tej në reagim.

DhTIK rithekson nevojën për ndërhyrje urgjente nga ana e qeverisë për të mbështetur bizneset e prekura dhe për të ruajtur stabilitetin ekonomik të vendit./Gazeta Infokus

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

ekonomi

Ky website përdor cookies. Duke vazhduar përdorimin, ju pranoni përdorimin e tyre.

Privacy policy