Taksa ndaj Serbisë, nuk rrit çmimet në Kosovë
Autori: Gazeta inFokus 14:29 | 13 November 2018
Nuk pritet të ketë rritje të çmimeve si pasojë e taksës ndaj Serbisë
Drejtoresha e Aleancës Kosovare të Bizneseve Lumnije Ajdini ka thënë se nuk do të ketë rritje të çmimeve, pavarësisht taksës ndaj mallrave të Serbisë.
‘‘Kemi pasur takime këto tri ditë, asnjëri prej prodhuesve tanë nuk do ta rrisë çmimin pavarësisht masës mbrojtëse’’, ka thënë Ajdini gjatë konferencës për shtyp nga Këshilli për Mbrojtjen e Konsumatorit.
Ajo ka bërë thirrje që produktet e Serbisë të zëvendësohen fillimisht me produktet në Kosovë e pastaj edhe me ato të Shqipërisë dhe vendeve tjera të rajonit.
“Ne si aleancë e bizneseve për 16 vite me radhë kemi organizuar projektin tradicional ‘Unë konsumoj produkte vendore, po ju’. Gjatë gjithë kësaj kohe kemi dhënë rekomandime për Qeverinë e Kosovës si dhe gjithë përfaqësuesit e institucioneve që të kemi hapësirë për produktet vendore. Ne e kemi përkrahë vendimin e Qeverisë për taksën ndaj Serbisë. Ne vazhdimisht kemi bërë thirrje që të konsumohen produkte vendore dhe ato produktet që vijnë nga Serbia, mund të zëvendësohen së pari nga Kosova pastaj edhe nga Shqipëria dhe vendet e rajonit”, ka thënë Ajdini.
Ndërsa Selatin Kaçaniku nga organizata ‘Konsumatori’ është shprehur skeptik sa i përket mos rritjes së çmimeve në Kosovë.
‘’Edhe pse Qeveria kohë më parë e hoqi TVSH-në për shume prodhues kosovarë, ne si konsumatorë nuk e kemi shijuar asnjëherë uljen e çmimit. Dhe duke u nisur nga kjo përvojë, ne kemi frikë se do të ketë rritje çmimesh shtesë’’, ka thënë Kaçaniku.
Sipas tij, blerja e produkteve të Serbisë nga qytetarët e Kosovës nënkupton njohjen e Kosovës si pjesë të Serbisë.
‘’Për shkak se Kosova në kushtetutën e Serbisë figuron si pjesë e saj, mallrat që vijnë në vendin tonë nuk guxojnë të deklarohen për eksport por si distribuim. Deklarimi si distribuim do të thotë ne të gjithë që blejmë produktet e tyre e njohim Kosovën si pjesë të Serbisë. Këtë e kemi ngritur disa herë’’, ka deklaruar Kaçaniku.
Kryetari i Këshillit për mbrojtjen e Konsumatorit Sherif Fejzullahu ka thënë se do të hapen në gjitha komunat e Kosovës zyrat për mbrojtjen e konsumatorit dhe një gjë e tillë tashmë veç ka filluar.
‘’ Këshilli për Mbrojtjen e Konsumatorit ka filluar me projektin që të hapë zyra në të gjitha komunat e Kosovës për mbrojtjen e konsumatorit. Deri tani këto zyra janë hapur në Ferizaj, Gjilan, Viti. Gjithsej priten të hapën në rreth 34 komuna të Kosovës’’, tha Fejzullahu. Ai deklaroi se Këshilli e përkrahë vendimin e Qeverisë për taksën prej 10% për mallrat që vijnë nga Serbia.
Të tjera
-
Kuvendi me tri seanca plenare në javën e ardhshme
Tri seanca plenare do të mbahen në javën e ardhshme në Kuvendin e Kosovës. ...
-
IKShPK: Regjistrohen 8 raste të Kollës së mirë në Kosovë
Instituti Kombëtar i Shëndetësisë Publike të Kosovës (IKShPK) ka njoftuar se ...
-
Aksident trafiku në Kërçovë, 3 të vd*ekur dhe 4 të lënduar
Një aksident i rëndë trafiku ka ndodhur mëngjesin e sotëm, në ora 04:50, në m...
-
Kusari-Lila: S’jemi në situatë të jashtëzakonshme që duhet medoemos të shkojmë në zgjedhje
Shefja e grupit parlamentar të VV-së, Mimoza Kusari-Lila, e ka komentuar kërk...
-
Maqedonci informoi homologun italian për mbështetjen që Kosova po i ofron Ukrainës
Ministria e Mbrojtjes e Kosovës ka dhënë detaje në lidhje me takimin që ka zh...
-
Konjufca: Qeveria s’ka aryse të japë dorëheqje
Kryetari i Kuvendit, Glauk Konjufca, ka thënë se qeveria nuk ka arsye të japë...
-
Bislimi pret në takim përfaqësuesit e BB, kërkon mbështetje për Kosovën
Zëvendëskryeministri për Integrim Evropian, Zhvillim dhe Dialog, Besnik Bisli...
-
Votimi në 4 komunat veriore – Hapet regjistrimi për votuesit jashtë Kosovës
Komisioni Qendror i Zgjedhjeve ka njoftuar qytetarët me të drejtë vote jashtë...
-
Haradinaj kujton masakrën e Deçanit e Klinës: Kosova në vijë më ushtritë e NATO-s, nderi më i madh për të rënët
Kryetari i Aleancës për Ardhmërinë e Kosovës, Ramush Haradinaj ka përkujtuar ...
-
Inovacioni shkencor dhe teknologjik i Kinës forcohet vazhdimisht
Në vitin e parë të komercializimit të teknologjisë 5G-A, kompanitë kineze jan...
-
“Hajde zhvendosemi” – Pyetja për dinarin e bën Besnik Bislimin të ikë prej gazetarëve
Zëvendëskryeministri i Kosovës Besnik Bislimi, nuk është deklaruar për media ...
-
Tahiri: Ditët në vijim do të iniciojmë kërkesën për shpërbërjen e Kuvendit
Shefi i grupit parlamentar të Partisë Demokratike të Kosovës, Abelard Tahiri,...