Tahiri i AAK-së: Mbështesim planin evropian, bazë e mirë për të vazhduar dialogun
Autori: Gazeta inFokus 14:24 | 11 February 2023
Aleanca për Ardhmërinë e Kosovës (AAK) ka mbështetur planin evropian, pasi e cilëson bazë të mirë për të vijuar dialogun me Serbinë, mirëpo thekson se kjo nuk duhet të merret si mbështetje ndaj Albin Kurtit.
Nga kjo parti thonë se nga takimet që kanë pasur në SHBA, ka ardhur porosi e qartë që duhet angazhim drejt marrëveshjes përfundimtare me Serbinë.
Deputeti i kësaj partie, Besnik Tahiri, gjatë një konference për media, ku prezantoi takimet e Ramush Haradinajt në Shtetet e Bashkuara, tha se Uashingtoni nuk ka qenë asnjëherë më i angazhuar se tani për të arritur një marrëveshje përfundimtare në mes Kosovës dhe Serbisë.
Ai tha se tashmë është detyrë e secilit në Kosovë që të punojë në funksion të kësaj agjende, raporton kp.
“Shtetet e Bashkuara të Amerikës asnjëherë nuk kanë qenë më të angazhuara në mbështetje të Kosovës, në mbështetje të dialogut dhe arritjes së marrëveshjes përfundimtare Kosovë-Serbi me njohje, në mënyrë që njëherë e përgjithmonë Kosova të merr një drejtim të sigurt dhe të merr një drejtim drejt Partneritetit për Paqe dhe anëtarësimit dhe forcimit të shtetit.
Vendosmëria e tyre është treguar në secilin takim që ka mbajtur z. Haradinaj… Roli i SHBA-së është jetik dhe angazhimi është konkret sikurse është detyrë shtetërore dhe kombëtare për secilin prej nesh që në këtë kohë të kemi një angazhim serioz dhe një angazhim, i cili është në funksion të kësaj agjende”, deklaroi Tahiri.
Sekretari i përgjithshëm i AAK-së, tha se Haradinaj ka mbajtur takime në Departamentin Amerikan të Shtetit, Kongresin amerikan, në Senat, si dhe ka marrë pjesë në traditën amerikane të Lutjeve të Mëngjesit, ceremoni ku mblidhen liderë nga e gjithë bota.
Ai tha se roli i Aleancës në temën e dialogut dhe përballjen me Serbinë është i ndershëm dhe shumë transparent. Ndërsa foli edhe për porositë që sollën nga Shtetet e Bashkuara.
“Roli i Aleancës edhe tash, pro edhe gjatë qëndrimit në Amerikë për temën e dialogut dhe arritjes së marrëveshjes është i ndershëm, është konstruktiv dhe është transparent…
Porositë nga takimet ishin shumë të qarta: Koha është tani, Kosova nuk ka kohë për të humbur, SHBA janë mik dhe mbështetës të lirisë dhe shtet-ndërtimit e pavarësisë së Kosovës dhe në këtë funksion mendoj të gjithë prej nesh duhet ta kemi parasysh”, vijoi Tahiri.
Ai tha se ka dëgjuar eksponentë nga Lëvizja Vetëvendosje se opozita ka shkuar me agjendë të caktuar kundër Qeverisë së Kosovës në Shtetet e Bashkuara, por shtoi se në takimet në Uashington kanë mbrojtur kauzën e Kosovës.
“Nuk ka gjë më të ulët dhe nuk ka qasje me jonjerëzore të flitet për diçka që nuk e dini. Kam qenë në të gjitha takimet. Dhe të vetmen gjë që e kemi bërë e kemi mbrojtur kauzën e Kosovës e kauza e Kosovës është e pastër si loti. Liria jonë ka çmim, sikurse që pavarësia dhe njohja e këtij shteti ne vende të tjera dihet si ka ardhur, me ndihmën e SHBA jo me ndihmën e lobimit të madh që i kanë bërë të tjerët. Perceptimi e gjykimi i situatës drejtë është detyrë kombëtare, është detyrë dhe përgjegjësi e secilit prej nesh”, tha Tahiri.
Ai pati edhe një përgjigje për të gjithë ata që thonë se AAK po e mbështet Qeverinë e Kosovës, duke thënë se e kundërta është ajo çfarë mendojnë për ekzekutivin e udhëhequr nga Kurti.
“Kryeministri Kurti dhe qeveria e tij kanë bërë një menaxhim tepër joserioz dhe kanë qenë partnerë tepër i pasaktë dhe strategjikë. I gjithë kursi i tyre është gabim. Ka shumë që thonë që AAK e mbështet qeverinë, ne nuk e mbështesim qeverinë, ne në fakt mendojmë që nuk ka qeveri më të dobët dhe nuk situatë më të vështirë kur qeveria nuk ka asnjë lëvizje për forcimin e ekonomisë, zbutjen e varfërisë për të ndihmuar njerëzit në nevojë e përforcuar shtetin dhe administratën e shtetit”, tha Tahiri. /kp
Të tjera
-
Kusari-Lila: Borrelli e Lajçaku s’kanë lejuar që qeveria ta hartojë konceptin e Asociacionit
Shefja e deputetëve të Lëvizjes Vetëvendosje, Mimoza Kusari – Lila, ka thënë ...
-
Imami kosovar thirrje Kurtit e Haxhiut: Lejoni shamitë në shkolla!
Imami Kosovar Labinot Maliqi, përmes një postimi ne facebook i ka bërë thirrj...
-
Besnik Tahiri: Nëse e bën këtë, unë i them hallall të koftë Albin Kurti
Shefi i GP-së së AAK-së, Besnik Tahiri, është shprehur i pakënaqur me punën e...
-
Marëdhënie në nivel strategjik
Kina deklaroi ngritjen e marrëdhënieve me Hungarinë Serbinë mbi nivelin e par...
-
Përbërja e re e Kuvendit të RMV-së do të jetë me 30 deputetë shqiptarë
Përbërja e re e Kuvendit të Maqedonisë së Veriut do të ketë 30 deputetë shqip...
-
Firmat e sanksionuara, dikur në bashkëpronësi të Radoiçiqit, fituan miliona euro
Mbi 23.5 milionë euro. Kaq fituan tri kompani ndërtimi në Serbi, të cilat gje...
-
Kurti: Vazhdojnë të mblidhen dëshmitë e krimeve të kryera gjatë luftës në Kosovë
Kryeministri i vendit, Albin Kurti, ka takuar drejtorin ekzekutiv të Institut...
-
Gjenerali amerikan merr detyrën e shefit të shtabit të KFOR-it në Kosovë
Gjeneral brigade Arthur J. Garffer nga ushtria amerikane ka marrë zyrtarisht ...
-
Bajrami – Gërvallës: S’mbulohën dështimet në politikën e jashtme me të pavërteta për ekonominë e Kosovës
Hykmete Bajrami, deputete e Lidhjes Demokratike të Kosovës, i ka reaguar, min...
-
Abdixhiku takon delegacionin 30 anëtarësh të CSU-së: LDK-ja i ruan dhe i kultivon raporte me forcat kryesore evropiane
Kreu i LDK-së, Lumir Abdixhiku, njofton se ka mirëpritur delegacionin 30 anët...
-
Skandaloze: Në parcelën ku duhet të ndërtohet një çerdhe në Prishtinë, po ngrihet një objekt banesor
Një skandal i madh, i pa parë deri më tash po ndodh në komunën e Prishtinës, ...
-
Bashkëluftetari i Ilir Konushevcit: S’kemi menduar kurrë se do t’i bëhej pritë në shtetin që kishim më së shumti besim
Sot janë bërë 26 vjet që nga rënia e heroit të kombit, Ilir Konushevci, bashk...