Lajme

Studimi: Po ndryshojnë zjarret në Europë, Ballkani më i rrezikuari

Autori: Gazeta inFokus 13:55 | 13 July 2022

Termometri në disa pjesë të Europës ka nisur të shënojë mbi 40 gradë Celsius, duke nxitur shpërthimin e zjarreve pyjore në Portugali e Spanjë.

300 zjarrfikës spanjollë, të mbështetur nga 17 avionë cisterne e helikopterë, kanë luftuar më flakët që shkrumbuan 2.500 hektarë tokë në rajonin lindor të Extremadura.

Kryeministri Pedro Sanchez premtoi shtim forcash e burimesh në luftën kundër zjarreve, që siç tha, po ushqehen nga emergjenca klimatike nëpër të cilën po kalon planeti sot.

-Advertisement-

Të enjten, temperature ne Seville të Spanjës pritet të mbërrijë 44 gradë Celsius, e gjatë fundjavës të rritet edhe më shumë.

E ngjashme situata dhe në Portugalinë fqinjë, ku ekipe të shuma zjarrfikësve po përballen me vatra rebele flakësh në rajonin qendror Ourem.

I gjithë vendi është në një situatë alarmi që ka risjelle në kujtesë zjarret e egra pyjore të 2017-tën, që morën atëherë më shumë se 100 jetë njerëzish.

Zjarret kanë dalë jashtë kontrollit dhe në Gironde të Francës, ku qindra vetë janë evakuuar, ndërsa ndërhyrja për të frenuar flakët, duket e vështirë.

“Zjarret nuk po vihen dot nën kontroll, situata nuk është e favorshme. Ato morën hov prej kushteve shumë të thata e të nxehta atmosferike, ndërsa gjatë të pasdites së djeshme pati edhe shumë erë. Flakët u përhapën me shpejtësi marramendëse, duke kërcënuar zonat e banuara, kështu që na u desh të evakuonim disa fshatra”, tha Vincent Ferrier, nënprefekt i Langon.

Një studim i fundit tregon ndryshime të paprecedente në regjimin e zjarreve në Europë, të lidhura me efektin serë.

Zonat e prekura janë në jug, ne qendër dhe në vëri të Europës, por më të mëdha për nga intensiteti, e thuajse historike, konsiderohen ato në zonën e Mesdheut.

Ballkani ndërkohë, duket se edhe këtë vit nuk është i përgatitur siç duhet për kërcënimin më të madh të verës, sezonin e zjarreve.

Në rajonet e tij malore dhe ishujt e largët, përdorimi i avionëve cisternë është dëshmuar i një rëndësie kyçe në të shkuarën.

Por duket se vetëm Greqia deri tani e ka marrë seriozisht situatën kur vlen fjala tek garantimi i asteve të tilla nga ajri, pasi flota e saj e avionëve dhe helikopterëve ujë-mbajtës e kapërcen atë të gjitha vendeve të tjera të rajonit të marra së bashku.

Subscribe në YouTube: GAZETA INFOKUSI
Etiketa:

Të tjera

Fokusi

lajme