Sport

Sondazhi i UEFA-s/ Tifozët besojnë se Kosova do të regjistrojë sonte fitoren e parë në kualifikimet për “Euro 2024”

Autori: Gazeta inFokus 18:27 | 28 March 2023

Kombëtarja e Kosovës do ta zhvillojë sonte ndeshjen e dytë kualifikuese për Kampionatin Evropian “Euro 2024”.

“Dardanët” do të presin Andorrën në stadiumin “Fadil Vokrri”. Ndeshja do të zhvillohet nga ora 20:45, shkruan Gazeta Express.

Të udhëhequrit e Alain Giresse synojnë fitoren e parë në këtë kampanjë kualifikuese, pas barazimit 1:1 me Izraelin në ndeshjen e parë.

-Advertisement-

Në faqen zyrtare të UEFA-s publikohet një anketë për çdo ndeshje, ku të gjithë mund të parashikojnë fituesin.

Në anketën për ndeshjen Kosovë – Andorrë, 84% e votuesve deri më tani mendojnë se “Dardanët” do të shënojnë fitore, kurse 11% mendojnë se triumfon Andorra.

5% prej votuesve mendojnë se kjo ndeshje do të mbyllet pa fitues.

Subscribe në YouTube: GAZETA INFOKUSI

Të tjera

Fokusi

sport