Sport

Skënderbeu pas vdekjes së 18-vjeçarit: Gjithmonë në zemrat tona

Autori: Gazeta inFokus 15:53 | 31 May 2020

Klubi i Skënderbeut i ka shprehur ngushëllime familjes së ish-lojtarit të akademisë së vet, Dorian Tahirllarit, i cili vdiq mbrëmë nga një sëmundje e rëndë.

Në moshën 18-vjeçare lojtari i akademisë së Skënderbeut Dorian Tahirllari e humbi jetën pas një beteje mbi njëvjeçare me sëmundjen e tumorit, transmeton Gazeta Express.

Tahirllari vuante prej kohësh nga kjo sëmundje e rëndë, betejë të cilën pavarësisht përpjekjeve të shumta i riu nuk mundi dot ta fitonte. Futbollisti i talentuar me herët kishte mundur të luante dhe me ekipin U-17 të Skënderbeut, por dëshira për të luajtur me ekipin e parë nuk u realizua dot.

-Advertisement-

“Nuk ia dole të rikthehesh në fushë, por do të mbetesh gjithmonë në zemrat tona. Sepse ti je shpirti i luftës, sakrificës dhe dëshirës për të jetuar. Prehu në paqe Dorian!”, është mesazhi ngushëllues i Skënderbeut.

Subscribe në YouTube: GAZETA INFOKUSI
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm

Të tjera