Sindikata e sektorit privat kërkon pagë minimale prej 400 euro, s’mjaftohen me propozimin e Qeverisë
Autori: Gazeta inFokus 16:25 | 13 April 2022
Federata Sindikale e Sektorit Privat të Kosovës (FSSPK) nuk tërhiqet nga kërkesa për pagë minimale 400 euro, shkruan Gazeta Express.
Kryetari i FSSPK-së, Jusuf Azemi në një konferencë për medie tha se paga minimale nga Këshilli Ekonomiko-Social në Qeveri ka shkuar në formë joligjore. Kjo pasi sipas tij ajo nuk kishte marrë votat e mjaftueshme në këtë Këshill.
E kriter kryesor për caktimin e pagës minimale prej 400 euro, sipas Azemit është marrë kostoja e shpenzimeve për katër anëtarë të familjes.
“Pavarësisht se çfarë vendimi ka marrë Qeveria dhe çfarë vendimi ka marrë Parlamenti i Kosovës, Sindikata e Pavarur e Sektorit Privat qëndron me vendimin e saj të palëkundur se pagë minimale nën 400 euro nuk mund të pranohet. Si kriter kryesor që e kemi marrë për caktimin e pagës 400 euro ju e dini se e kemi marr koston e shpenzimeve për katër anëtarë të familjes, të cilët me gjëra më elementare nuk kemi mundur të kalojë nën 400 euro shpenzime. Në njëfarë forme cila është ajo e cila neve po na jep elemente shtesë që të kërkojmë këtë pagë është mungesa e fuqisë punëtore në Kosovë pasi që në shumë kompani po ndihet mungesa e punëtorëve jo në numër të vogël por në numër jashtëzakonisht të madh sa që kanë filluar edhe të mbyllen kompanitë në mungesë të punëtorëve. Andaj ne themi se për shërbimet tona të cilat ne i japim pronarit të kompanisë ne e caktojmë çmimin, jo dikush tjetër”, tha ai.
Ai tha se nuk e shohin shqetësuese por e marrin si anë pozitive që është lëkundur paga minimale nga 170 në 250 euro neto.
“Ta kemi të qartë në asnjë rast neve nuk na obligon paga minimale e Qeverisë ka qenë shumë mirë që ne si akterë të merremi vesh dhe të dalim të gjithë unikë, me një qëndrim, por ne nuk mund të humbim për shkak të tekeve të dikujt tjetër. Paga minimale nuk ka kaluar përmes procedurave që duhet të kaloj pasi Këshilli Ekonomiko-Social duhet t’i propozojë Qeverisë, dhe Qeveria Kuvendit të Kosovës. Ju e dini Këshilli Ekonomiko-Social sidomos në kohën e fundit nuk është pyetur fare dhe në Qeveri ka shkuar në formë joligjore çka neve na jep një shkas që edhe më shumë mos të merremi. Neve nuk e shohim si shqetësuese absolutisht ne mund ta marrim si një anë pozitive që është bërë një lëkundje prej 170 në 250 por megjithatë nuk i plotëson as kriteret minimale për ne dhe bëjmë apel atë që e kemi pasur që nga shtatori i vitit të kaluar punëtorët e sektorit privat nuk do të nënshkruajnë pagë nën 400 euro pasi që edhe vlera jonë minimale është kjo”, u shpreh Azemi.
Në mbledhjen e sotme Qeveria e Kosovës i ka hapur rrugë ngritjes së pagës minimale në 264 euro bruto, apo 250 euro neto.
Të tjera
-
Ngjarjet e datës 18 maj
Dega e LDK-së në Gjilan mban konferencë për media. (Selia e Degës së LDK-së G...
-
Plagoset me ar*më zja*rri një person në Nashec të Prizrenit
Një person është plagosur me armë zjarri në mbrëmjen e së premtes në fshatin ...
-
Vjosa Osmani pritet me tortë nga Hillary Clitnon: Ditë edhe më speciale, me miken e popullit tonë
Presidentja e Kosovës, Vjosa Osmani ka udhëtuar për në Bullgari si e ftuar sp...
-
Osmani mbërrin në Bullgari me ftesë të Hillary Clinton, merr pjesë në Clinton Global Initiative
Me ftesë të ish-Sekretares së Shtetit të Shteteve të Bashkuara të Amerikës, H...
-
Bashkimi Evropian ndalon katër media ruse
Bashkimi Evropian tha të premten se pezulloi të drejtën e funksionimit pë...
-
Blerja e teksteve shkollore subvencionohet edhe sivjet
Sikurse vitin e kaluar, edhe sivjet Ministria e Arsimit ka vendos...
-
Shqiptarët duan tre fëmijë si variant i një familjeje ideale
Sondazhi i fundit i Barometrit në Euronews Albania, ka ngritur disa pyetje pë...
-
Maqedonci: Angazhimi i FSK-së në operacionin Interlflex tregues i bashkëpunimit me Britaninë
Ministri i Mbrojtjes, Ejup Maqedonci gjatë qëndrimit në Mbretërinë e Bashkuar...
-
Osmani: Kosova e meriton të bëhet anëtare e KiE-së
Kryediplomati i Maqedonisë së Veriut, Bujar Osmani, gjatë takimit të Komiteti...
-
Regjistrimi i popullsisë shtyhet deri më 24 maj në 11 komuna
Qeveria e Republikës së Kosovës ka miratuar vendimin për shtyrjen e afatit të...
-
Moti për këtë fundjavë
Këtë fundjavë në Kosovë do të mbajë mot me diell, por nuk do të mungojnë vran...
-
Haradinaj: Dështimi në KiE i Kosovës i faturohet vetëm Albin Kurtit
Kryetari i AAK-së, Ramush Haradinaj, ka thënë se mospërfshirja e Kosovës për ...