Si u prit protesta e nxënësve “S’po shkohet në shkollë”?
Autori: Samire Jaha 16:47 | 19 April 2022
Këshilli i nxënësve të Kosovës sot më 19 prill ka mbajtur një protestë me moton “S’po shkohet në shkollë”, shkruan Gazeta Infokus.
Kjo protestë është mbajtur kundër ngacmimeve seksuale bullizmit si dhe ngritjes së cilësisë në arsim.
Në lidhje me këtë njohësi i çështjeve të arsimit nga Instituti “Edguard”, Rinor Qehaja, tha për Gazetën Infokus se një protestë e tillë është gjithmonë e mirëseardhur.
“Iniciativa si kjo janë të mirëseardhura dhe dëshmojnë për një aktivizim të shtuar qytetar në mesin e të rinjve”, deklaroi Qehaja për Infokus.
Ai tutje shtoi se kërkesa për përgjegjësi është pikënisje e ndryshimit.
“Kërkesa për përgjegjësi është pikënisje e ndryshimit dhe ajo duhet të filloj nga komuniteti i shkollës për mësimdhënie më të mirë në shkollë për këtë nevojitet që të kemi prindër dhe nxënës të fuqizuar që janë të vetëdijshëm që ndryshimi mund të të ndodh edhe nga ta si një presion i rritur qytetar” shtoi Qehaja.
Po ashtu edhe psikologu Arber Zeka, në lidhje me protestën tha se çdo formë e sensibilizimit është e mirëseardhur.
Ai për Gazetën Infokus tha se në këtë rast shpreson se protesta të prodhojë efekt pozitiv.
“Shpresojmë se protesta ka me prodhu efekt pozitiv që definitivisht me fillu me hartu plane konkrete të cilat mbi gjitha do ta luftojnë dhunën që e shohim çdo ditë në shkolla. Kjo protestë është më se e mirëseardhur nga e cila shpresojmë të reflektoj dhe si shoqëri të bashkohemi për të mirën e përgjithshme”, deklaroi Zeka për Infokus.
Po ashtu ai tha se protestat dhe veprimet kolektive kundër sistemeve të ndryshme me synimin për të arritur qëllime specifike kanë efekte të ndryshme në gjendjen emocionale të individëve.
“Sigurisht kjo varet shumë nga qëllimet dhe synimet që kemi. Në rastin tonë po protestojmë kundër disa dukurive të pa pranueshme nga normat shoqërore që na rrethojnë dhe po kërkojmë avancimin e edukimit dhe arsimimit të kësaj shoqërie”, shtoi Zeka.
Ndërsa sa i përket mungesës së psikologëve nëpër shkolla, Zeka tha se psikologët e promovojnë zhvillimin e aftësive komunikuese dhe sociale të fëmijëve.
“Psikologët ne shkollë promovojnë zhvillimin e aftësive komunikuese dhe sociale të fëmijëve, zgjidhjen e problemeve menaxhimin e zemërimit vete rregullimin, vetëzhvillimin dhe optimizmin. E mbi të gjitha psikologu do të mundëson të funksiononte zinxhiri prindër, mësues, fëmijë dhe rrethi social, funksionimi I rregullt dhe normal për të cilin domosdoshmërish kemi nevojë” tha psikologu.
E krejt në fund psikologu Zeka tha se në lidhje me incidentet shkollore institucionet duhet të ndërmarrin hapa konkret para se të ndodhë ndonjë fatkeqësi.
“Institucionet kur është në pyetje mirëqenia psikologjike dhe sociale apo ekonomike nuk do të duhet si fillim të kishin ngjyrime politike po të vepronim si tërësi. Me rritjen e madhe të fenomeneve degjeneruese, përdorimi i drogave, dhuna e shfaqur në shkolla e shumë të tjera. Në një shtet normal gjithsesi se duhet të ndërmarrën hapa konkretë para se të ndodhte ndonjë fatkeqësi”, deklaroi Zeka për Gazetën Infokus.
Mirëseardhjen e kësaj proteste e kanë mirëpritur edhe Këshilli i Prindërve të Komunës së Prishtinës.
Ata në një përgjigje për Gazetën Infokus, thanë se angazhimi më i theksuar i këshillave të nxënësve është më se e nevojshme dhe ky proces duhet të jetë përtej aktiviteteve të momentin.
“Aktualisht nuk është se kemi ngacmime seksuale të raportuara nëpër shkolla por raste të tilla kanë ndodhur. Në si Këshill i Prindërve i Prishtinës jemi angazhuar në të gjitha pjesëmarrjet të theksojmë emergjencën për siguri shumë më të lartë nëpër shkolla. Ashtu sikurse mendojmë që shkollat duhet të jenë institucione mike për fëmijët tanë”, thuhet në përgjigjen e Këshillit të Prindërve për Infokus.
Ndërsa në marshin e organizuar nga Këshilli i Nxënësve të Kosovës (KNK)ë që u udhëhoq nga motoja kryesore “S’po shkohet në shkollë”, u mbajtën edhe pankarta me ankesa për mungesë të mirëqenies nëpër shkolla, për librat e vjetruar dhe për mos barazinë.
“Nuk kemi dritë ajër të mjaftueshëm, s’kemi siguri në klasë oborr dhe rrugë. Në shkollë s’kemi as psikologë as shkollë emergjente, as kuti të emergjencës, s’kemi kabinete për praktike, as salla të edukatës fizike. Në vend të krejt këtyre kemi substanca narkotike dhe duhan. S’po shkohet në shkollë. Në shkollë s’kemi as libra, hala mësojmë përmes diktimit edhe skriptës, s’po shkohet në shkollë se ato libra që janë kanë gabime dhe janë të vjetra. Librat diskriminojnë gratë dhe kategori të tjera të margjinalizuara. S’po shkohet në shkollë, se shkolla është e mërzitshme”, u tha në një fjalim të nxënësve para Teatrit Kombëtar.
Nxënësit kërkuan zbatim të ligjeve siguri në arsim, mbrojtje, mirëqenie dhe barazi, derisa thanë se shkolla po iu ngjan me sistem diktature.
Pas kësaj Ministrja e Arsimit Shkencës Teknologjisë dhe Inovacionit Arbërie Nagavci, ka reaguar përmes profilit të saj në “Facebook”, ku ka thënë se një marshit të tillë i gëzohet.
“I gëzohem aktivizmit të të rinjve dhe mendimit të njëjtë se cilësia në arsim kërkon angazhim të përbashkët. Të dashur nxënës, mësimdhënës, prindër e qytetarë të Republikës së Kosovës. Ndajmë shqetësimin plotësisht legjitim të shprehur nga nxënësit për gjendjen në sistemin e arsimit! Prandaj, angazhimi ditor në Ministrinë tonë ka në qendër të vëmendjes përmirësimin e cilësisë, që përpos angazhimit kërkon edhe kohë dhe durim”, ka shkruar ministrja.
Ndryshe protesta e sodit është mbajtur me mijëra nxënës në 28 komunat e Kosovës ku kanë marshuar me “S’po shkohet në shkollë”.
Protesta e organizuar nga Këshilli i Nxënësve të Kosovës ka pasur për qëllim kthimin e vëmendjes tek procesi mësimor. Kjo kërkesë iu drejtua institucioneve shtetërore, mësimdhënësve, prindërve dhe nxënësve./Gazeta Infokus/
Të tjera
-
Aksident mes katër veturave tek “Lesna” në Prishtinë (PAMJE)
Një aksident trafiku në mes katër veturave ka ndodhur para pak minutave tek “...
-
MPJD thotë se Bërnjaku mbetet i mbyllur deri në largimin e personave të maskuar, ka një apel për mërgimtarët
Ministria e Punëve të Jashtme dhe Diasporës ka deklaruar se pika kufitare në ...
-
Ky është vendimi i vetëm që u mor në mbledhjen e sotme të Qeverisë
Qeveria e Republikës së Kosovës ka emëruar Komisionin Ad hoc të Pranimit ...
-
Gërvalla: Persona të maskuar po ndalojnë veturat në kufi, policia serbe veç po i shikon e nuk ndërhyn
Ministrja e Punëve të Jashtme dhe Diasporës, Donika Gërvalla ka n...
-
Bllokimi i rrugëve në Serbi, kundërpërgjigjet Qeveria, mbyll Bërnjakun për qarkullim – Sveçla përmend arsyen
Ministri i Brendshëm, Xhelal Sveçla thotë se grupe ekstremistësh të masku...
-
Kryediplomati i Turqisë mbikëqyrë punimet për Xhaminë Qendrore, po ndërtohet me paratë turke
Kryediplomati i Turqisë, Hakan Fidan, ka mbikëqyrur nga afër punimet që p...
-
Osmani nesër merr pjesë në ceremoninë e zbulimit të shtatores së Presidentit Ibrahim Rugova në Podujevë
Presidentja Vjosa Osmani do të marrë nesër pjesë në ceremoninë e zbulimit të ...
-
Hoxhaj: Politikanët e padijshëm që po qeverisin vendin dhe emisarët papeshë në Evropë, i degraduan marrëdhëniet e Kosovës me BE-në
Deputeti i PDK-së, Enver Hoxhaj e ka quajtur ‘të padijshme’ Qeverinë Kurti. A...
-
Osmani: Policia, garant i sigurisë dhe stabilitetit në Kosovë
Me rastin e 25-vjetorit të themelimit të Policisë së Kosovës, Presidentja e R...
-
Bllokimi i kufinjve serbë, MPB-ja tregon në cilat pikat ndalohet hyrje-dalja me dokumente “RKS”
Dhjetëra serbë janë mbledhur në pikat kufitare të Serbisë, për të bllokuar hy...
-
Kurti ndjek nga afër demonstrimin e përgatitjeve dhe aftësive të njësive elite të Policisë, thurr lavde
Kryeministri Albin Kurti ka marrë pjesë sot në një demonstrim të ...
-
Një autobus nga Kosova nuk lejohet të futet në Serbi, Elshani: Është kthyer nga Policia, s’kishte vula
Një autobus me udhëtar është kthyer mbrapa në pikën kufitare në Bërnjak dhe n...