Ekonomi

Shtrenjtuan çmimin e rrymës për 16.1%, ZRRE hap një tender

Autori: Gazeta inFokus 10:43 | 18 April 2025

Pas vendimit për rritjen e çmimit të energjisë elektrike për 16.1%, Zyra e Rregullatorit për Energji (ZRRE) ka shpallur një tender për zgjedhjen e Furnizuesit të Mundësisë së Fundit (FMF), shkruan Gazeta Infokus.

Ky shërbim i veçantë siguron furnizim të garantuar me energji elektrike për konsumatorët që mbesin pa kontratë të vlefshme, si në rastet kur një furnizues me pakicë falimenton, nuk është më i licencuar, apo kur konsumatori nuk arrin të ripërtërijë kontratën ekzistuese ose të nënshkruajë një të re.

Sipas Ligjit për Energjinë Elektrike, furnizimi i garantuar ofrohet vetëm për një periudhë të kufizuar, jo më shumë se 60 ditë, dhe në përputhje me çmimet e përcaktuara nga rregulloret dhe metodologjia për FMF-në.

-Advertisement-

ZRRE njofton se tenderi synon të sigurojë vazhdimësi në furnizimin me energji për konsumatorët në raste të jashtëzakonshme, duke garantuar një zgjidhje të përkohshme derisa ata të lidhin kontrata të reja me një furnizues të licencuar.

“I. SHPALLET Tenderi për zgjedhjen e Furnizuesit të Mundësisë së Fundit (FMF).
II. Furnizuesit që aplikojnë për të ofruar në procedurën e tenderimit duhet të demonstrojnë se përmbushin kriteret e dhëna në nenin 4 të Rregullës për Furnizuesin e Mundësisë së Fundit.
III. Furnizuesit të Mundësisë së Fundit do të jetë i obliguar që të sigurojë të gjitha shërbimet e furnizimit ashtu si janë përcaktuar në Ligjin për Energjinë Elektrike, Rregullin për Kushtet e Përgjithshme për Furnizim me energji elektrike dhe Licencën përkatëse të lëshuar nga Rregullatori”, thuhet ndër të tjera në 7 pikat e kësaj shpallje./Gazeta Infokus

“Të shkarkohet bordi i ZRrE’së” – Grupi ‘’Asnjë cent më shumë’’ mban konferencë për media

 

Subscribe në YouTube: GAZETA INFOKUSI
Çka po ndodh me DITËLINDJEN e Viva Fresh Store?!
-Advertisement-

Të tjera

Fokusi

ekonomi