Lajme

Shqiptari ia sheh sherrin të dashurës, dënohet me 11 vjet burgim

Autori: Gazeta inFokus 20:53 | 11 October 2018

Tashmë është përfundimtar dënimi me 11 vite burgim për 22-vjeçarin Marjel Mjeshtri, i akuzuar për vrasjen e bashkëmoshatarit Oltjan Nela, i cili u vra me thikë për vdekje natën mes 7 dhe 8 dhjetorit 2015 në Terni të Italisë.

Gjykata e Lartë në Itali, të mërkurën e 10 tetorit, shpalli apelimin e mbrojtjes së të pandehurit si të papranueshme dhe si rrjedhojë konfirmoi dënimin e dhënë në shkallë të dytë, raportojnë mediat lokale.

Oltjan Nela vdiq në spital pas dy ditësh agoni dhe anëtarët e familjes së tij kurrë nuk pushuan së kërkuari drejtësi për të.

-Advertisement-

Gjykata e Apelit e dënoi Mjeshtrin me 10 vjet e 8 muaj burgim për vrasjen e Nelës, si dhe 4 muaj për armëmbajtje pa leje (thikën me të cilën e qëlloi 20-vjeçarin).

Sherri që pasoi vrasjen nisi në një lokal nate. Shkaku sipas prokurorisë, ishte se Mjeshtri akuzoi Nelën se i kishte ngacmuar të dashurën, shkruan syri.net.

Subscribe në YouTube: GAZETA INFOKUSI
Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…

Të tjera

Fokusi

lajme