Serbia nis Dialogun Strategjik me SHBA-në, Gjuriq: Rundi i parë të premten
Autori: Gazeta inFokus
10:39 | 14 July 2026
Ministri i Jashtëm i Serbisë, Marko Gjuriq, tha se vendimi për nisjen e Dialogut Strategjik mes Serbisë dhe Shteteve të Bashkuara është një nga zhvillimet më të rëndësishme në marrëdhëniet mes dy vendeve në vitet e fundit.
Ai tha se seanca e parë e këtij dialogu do të mbahet të premten, më 17 korrik.
“Në historinë e marrëdhënieve mes dy vendeve, kjo është hera e parë që Serbia dhe Shtetet e Bashkuara i ngrenë raportet e tyre në nivelin e partneritetit strategjik”, tha Gjuriq për Radio-Televizionin e Serbisë.
Sipas tij, vendimi i administratës së presidentit Donald Trump përbën një sinjal të fortë politik, jo vetëm për Serbinë dhe institucionet e saj, por edhe për opinionin publik dhe institucionet shtetërore në Shtetet e Bashkuara.
Ai vlerësoi se nisja e Dialogut Strategjik është rezultat i shumë viteve të punës diplomatike.
“Kjo është diçka për të cilën kemi punuar për shumë vite dhe, në aspektin profesional, përbën një nga arritjet më serioze për të gjithë diplomatët tanë që janë angazhuar”, tha Gjuriq.
Në janar të këtij viti, presidenti i Serbisë, Aleksandar Vuçiq, tha se një nga kërkesat e paraqitura nga SHBA-ja për fillimin e Dialogut Strategjik me Serbinë, lidhet me sektorin e energjisë.
Serbia, ndërkohë, pranoi bashkëpunimin me SHBA-në për gazin e lëngshëm natyror dhe diversifikimin e furnizimit me gaz.
Gjuriq e falënderoi Vuçiqin, për, siç tha, mbështetjen ndaj këtij procesi.
“Presidenti Vuçiq i ka mbështetur prej vitesh përpjekjet tona për t’i përmirësuar marrëdhëniet me SHBA-në dhe jam shumë i lumtur që sot mund ta bëj publik këtë lajm”, tha Gjuriq.
Ministri serb njoftoi se, me ftesë të sekretarit amerikan të Shtetit, Marco Rubio, do të udhëtojë në Uashington, ku të enjten do të marrë pjesë në një samit, ndërsa të premten do të mbahet sesioni i parë i Dialogut Strategjik.
“Ajo që do të ndodhë të premten përbën vërtet një moment historik diplomatik dhe politik në marrëdhëniet mes Serbisë dhe SHBA-së”, theksoi Gjuriq.
Sipas tij, ky proces do të ketë ndikim pozitiv edhe në bashkëpunimin ekonomik, në pozitën ndërkombëtare të Serbisë dhe në jetën e qytetarëve.
Nga vendet e Ballkanit Perëndimor, vetëm Maqedonia e Veriut ka nisur procesin e Dialogut Strategjik me SHBA-në në vitin 2022.
Në shtator të vitit të kaluar, Shtetet e Bashkuara e pezulluan për një afat të pacaktuar Dialogun e planifikuar Strategjik me Kosovën, duke shprehur shqetësim për veprimet e Qeverisë në detyrë.
Pa specifikuar se cilave veprime u referohej, Ambasada amerikane në Prishtinë tha atëkohë se ato kanë “rritur tensionet dhe paqëndrueshmërinë”, duke kufizuar aftësinë e SHBA-së për të bashkëpunuar në mënyrë produktive me Kosovën për prioritetet e përbashkëta.
Në atë kohë, në opinion qarkulluan pretendime se vendimi lidhej me ndërhyrjen e supozuar të Qeverisë në punën e Gjykatës Kushtetuese.
Aktualisht, Kosova përballet me thirrje nga Shtetet e Bashkuara për t’iu bashkuar projekteve amerikane për gazin e lëngshëm natyror (LNG) në Ballkanin Perëndimor.
Prishtina nuk e ka kundërshtuar gazin amerikan, por ka propozuar një qasje tjetër, duke kërkuar mbështetje për gazifikimin e qymyrit.
Nuk dihet nëse çështja e energjisë është kusht për nisjen e Dialogut Strategjik me Kosovën./REL/

T� tjera
-
Parashikimi i motit për të shtunën
Të shtunën parashikohet që gjatë orëve të para të 24-orëshit të arrijë një si...
-
Konsulli i Kosovës në Toronto, Kadri Dakaj, takohet me kryetaren e Bashkisë së Torontos, diskutojnë për bashkëpunim dhe komunitetin shqiptaro-kosovar
Konsulli i Përgjithshëm i Republikës së Kosovës në Toronto, Kadri Dakaj, ësht...
-
Daut Haradinaj për Jakup Krasniqin: S’di çka të them, e kisha nda një pjesë të jetës me të zëvendësu ty…
Daut Haradinaj nga Aleanca, ka reaguar lidhur me vizitën e Jakup Krasniqit në...
-
Uji tejkalon standardet e lejuara, ndalohet përdorimi për pije në dy zona të Gjakovës
Kompania Rajonale e Ujësjellësit “Gjakova” ka njoftuar se uji në zonat e furn...
-
Jakup Krasniqi nesër përfundon vizitën në Kosovë, raportohet se në orën 15:00 niset për në Hagë
Ish-kryekuvendari, Jakup Krasniqi, pritet të largohet nga Kosova, të shtunën ...
-
Policia e Shqipërisë jep detaje mbi alarmin për bo*mbë në avion
Policia e Shqipërisë ka reaguar pas raportimeve se në avionin Manchester – Ti...
-
Panik në fluturimin Manchester-Tiranë, alarm për bom*bë në avion, pasagjerët gjejnë shënimin
Një situatë tensioni kanë përjetuar sot pasagjerët e një avioni të Ryanair, q...
-
Maqedonci vlerëson pjesëmarrjen e FSK-së në ushtrimin “Golden Sabre”
Forca e Sigurisë së Kosovës (FSK) ka marrë pjesë në ushtrimin fushor “Golden ...
-
Sveçla njofton për aksionin në Mitrovicë, sekuestrohen kok*ainë, telefona dhe mbi 1 mijë euro
Ministri i Punëve të Brendshme, Xhelal Sveçla, ka bërë të ditur se Policia e ...
-
Shiroka-Pula: Filantropia dhe shërbimi ndaj të tjerëve janë vlera që forcojnë shoqërinë
Presidentja e Republikës së Kosovës, Justina Shiroka Pula, mori pjesë në Sami...
-
Ardian Gjini publikon shifrat e BQK-së: Çmimet dhe borxhet e qytetarëve janë rritur në mënyrë ekstreme, si po ia dalin familjet kosovare?
Kryetari i Aleancës, Ardian Gjini, ka ngritur shqetësimin për rritjen e ndjes...
-
Reagimet se i kanë ndarë vetëm 1.5 milionë për to, Pacolli: Mandat i digave, janë në proces, ndërtimet fillojnë më 2027 -28
Fitore Pacolli, ministre e Mjedisit dhe Planifikimit Hapësinor, përmes një po...

































