Lajme

Sanksionet, Rama për “Die Presse”: Të mos ushtrojmë presion ndaj Serbisë, nuk mbijeton dot pa Rusinë

Autori: Gazeta inFokus 12:02 | 14 September 2022

Ndikimi rus në rajon ka qenë kryefjalë e një interviste që kryeministri Edi Rama ka dhënë për “Die Presse”.

Ndërsa shpreh shqetësim për rrezikun nga Rusia, Rama tregon mirëkuptim për kursin antisanksional të Serbisë ndaj Rusisë pas nisjes së luftës në Ukrainë.

Pjesë nga intervista

Kryeministër, sa e kërcënon lufta në Ukrainë stabilitetin dhe paqen në Ballkan?

Edi Rama: Ai është një kërcënim potencial për rajonin tonë. Sepse në pjesë të Ballkanit, Rusia tradicionalisht ka një ndikim të fortë. Kjo vlen veçanërisht për Serbinë, Malin e Zi, Maqedoninë e Veriut dhe Republikën Srpska në Bosnje-Hercegovinë.

Çfarë do të thotë kjo për politikën e sanksioneve të BE-së kundër Rusisë?

Edi Rama: Ne duhet të bëjmë gjithçka që mundemi për të mbajtur kërcënimin e mundshëm jashtë Ballkanit. Prandaj, nuk duhet të ushtrohet më presion ndaj Serbisë për të vendosur sanksione ndaj Rusisë. Sanksione të tilla nuk janë të mundshme, sepse pa Rusinë Serbia nuk mund të mbijetojë. Për më tepër, qeveria dhe presidenti Aleksandër Vuçiç nuk do t’i mbijetonin politikisht sanksioneve kundër Rusisë. Serbia tashmë ka mbajtur qëndrim. Nuk duhet të harrojmë se Beogradi tashmë ka votuar tre herë kundër Rusisë në OKB. Kjo është një surprizë e madhe. Është gjithashtu një shenjë se ka një vullnet të fortë në Beograd për t’u integruar në BE .

Të tjera