Lajme

Sa do të kursehej buxheti nëse zvogëlohen Ministritë?

Autori: Gazeta inFokus 10:59 | 23 October 2018

Buxheti i Kosovës do të kursehej nëse numri i ministrive zvogëlohet nga 21 në 13.

Kështu ka bërë të ditur Instituti GAP në raportin “Buxheti 2018 dhe rekomandimet e Komisionit Evropian”, shkruan Gazeta Infokus.

Sipas këtij raporti nga buxheti i vendit do të kurseheshin mbi 3 milionë euro.

-Advertisement-

“Sipas përllogaritjeve tona, nga kjo ulje e numrit të ministrive, vetëm nga shpenzimet e pagave, telefonisë mobile dhe drekave, buxhetit të Kosovës do t’i kurseheshin rreth 3.2 milionë euro në vit apo 12.9 milionë euro për një mandat qeverisës prej katër vitesh”, thuhet në raportin e GAP-it.

Në këtë raport thuhet gjithashtu se ka pasur rritje të buxhetit në disa fusha për të cilat ka rekomanduar Komisioni Evropian por që nuk janë të mjaftueshme.

Këtë vit shtë rritur buxheti për rend dhe siguri publike por duhet buxhet edhe për trajnim të prokurorëve dhe gjyqtarëve, financim të strategjisë kundër-korrupsion dhe në përgjithësi rritjen e kapaciteteve për luftën ndaj korrupsionit.

Rritje të buxhetit ka pasur edhe në Institucionet që merren më zhvillimin e tregut në kuadër të MTI-së, Ministrinë e Shëndetësisë, dhe arsim por janë të pamjaftueshme/Gazeta inFokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy